← Back to list

இஷா Clause-சுக்கு பாராட்டு!

Dec 12, 2024

இணைய பகடிவதைக்கு எதிரான இஷா Clause, அதாவது இஷா சட்டப் பிரிவை, நாடாளுமன்றம் நிறைவேற்றியதை, சட்ட நிபுணர் ஒருவர் பாராட்டியுள்ளார். 

அந்த Clause, தற்போது பகடிவதை பற்றிய தெளிவான சட்ட வரையறையை நிரூபிக்கிறது. 

அது அதிகாரிகளுக்கு, பகடிவதை பிரச்சனையை மிகவும் திறம்பட கையாள உதவும் என்கிறார், UM-மின்   குற்றவியல் நிபுணர் டாக்டர் Haezrina Begum Abdul Hamid. 

அந்த கொடுமையால் பாதிக்கப்பட்டவர்கள், மறுவாழ்வுக்கு உட்படுத்தப்பட வேண்டும் என்ற அரசாங்கத்தின் முன்மொழிவையும் அந்நிபுணர் ஆதரித்தார். 

அது, பகடிவதையால் ஏற்பட்ட அதிர்ச்சியிலிருந்து மீண்டு வரும் வகையில், பாதிகப்பட்டவர்களுக்கு உணர்ச்சி மற்றும் உளவியல் ஆதரவை வழங்குவதும் ஆகும். 

இவ்வாண்டு ஜூலையில், சமூக ஊடக பிரபலம் இஷா இணைய பகடிவதை காரணமாக மரணமடைந்ததை அடுத்து, இப்புதிய சட்டப் பிரிவு அறிமுகப்படுத்தப்பட்டது. 

--------- 

வெளிநாட்டு விசா தொடர்பான ஊழல் குற்றச்சாட்டில் இருந்து துணைப் பிரதமர் Ahmad Zahid Hamidi-யின் விடுதலை, நீதிமன்றத்தால் உறுதிச் செய்யப்பட்டுள்ளது. 

புத்ராஜெயாவில் மேல்முறையீட்டு நீதிமன்றத்தில், அரசுத் தரப்பு தங்கள் மேல்முறையீட்டை திரும்பப் பெறுவதாகத் தெரிவித்ததை அடுத்து அம்முடிவு எடுக்கப்பட்டது. 

இரண்டு ஆண்டுகளுக்கு முன்பு, ஷாஆலம் உயர் நீதிமன்றம், அவருக்கு எதிரான முதன்மையான வழக்கை நிரூபிக்கத் தவறியதைக் கண்டறிந்து அவரை விடுவிக்க அனுமதித்தது.

--------- 

நாடு முழுவதும் வடகிழக்குப் பருவமழையைத் தொடர்ந்து ஏற்பட்ட வெள்ளத்தின் முதல் அலையால் சேதமடைந்த சாலைகளைச், சீரமைப்பதற்கான மொத்த செலவு, 312.1 மில்லியன் ரிங்கிட்டாக மதிப்பிடப்பட்டுள்ளது. 

கூட்டாரசு சாலைகளைப் பராமரிக்க RM247 மில்லியன், கூட்டரசு சாலை சரிவுகளைச் சரிசெய்ய RM40.3 மில்லியன், மாநில சாலைகள் RM24.8 மில்லியன் செலவாகும் என பொதுப்பணித்துறை அமைச்சு தெரிவித்துள்ளது. 

இருப்பினும், வெள்ள அலை ஓயும் வரை செலவு மதிப்பீட்டை முடிவு செய்ய இயலாது என்றாரவர். 

---------   

இதனிடையே, வெள்ள அபாயத்தில் உள்ள அனைத்து பள்ளிகளுக்கும் கல்வி அமைச்சு, அடுத்தாண்டு புதிய தர செயல்பாட்டு நடைமுறைகளை அறிமுகப்படுத்தும்.   

கீழ் தளங்களில் உள்ள வகுப்பறைகள், சேதத்தின் அபாயத்தைக் குறைக்க வெள்ளத்தைத் தடுக்கும் பொருட்களால் அடைக்கப்படுவதும் அதிலடங்கும் என அது சொன்னது. 

-------- 

இதனிடையே, இனி வரும், வடகிழக்கு பருவமழையால் ஏற்படும் வெள்ளத்தால் SPM தேர்வுகள் பாதிக்கப்படாது என்று கல்வி அமைச்சு மீண்டும் உறுதியளித்துள்ளது! 

ஆக்டோபர் முதல், வெள்ளம் தொடர்பான சவால்களுக்கு தமதமைச்சு தயாராகி வருவதாக அவ்வமைச்சின் தலைமைச் செயலாளர் தெரிவித்துள்ளார்.

---------- 

மற்றொரு பக்கம், பெர்லிஸ், கெடா, பேராக், கிளாந்தான், தெரெங்கானுவில், நாளை வரை தொடர் மழை பெய்யலாம் என மலேசிய வானிலை ஆய்வு மையம் தெரிவித்துள்ளது.