← Back to list

PPS-சில் தூய்மை அவசியம் !

Dec 11, 2024

தொற்று நோய்கள் பரவாமல் தடுக்க, தற்காலிக வெள்ள நிவாரண மையங்களில், தூய்மை நிலைகளை கண்காணிக்கவும், அங்குள்ளவர்களின் சுகாதார தேவைகளை பூர்த்தி செய்யவும் அரசாங்கத்துக்கு நினைவூட்டப்பட்டுள்ளது. 

கழிவறை வடிகால் அமைப்புகள் சரியாக செயல்படுவதை உறுதி செய்வதும் அதிலடங்கும் என UPM-மின் பொது சுகாதார நிபுணர் ஒருவர் தெரிவித்துள்ளார். 

அம்மையங்களில் அடைக்கலம் புகுந்தவர்களுக்கு சுத்தமான நீர் வழங்கப்பட வேண்டும் என அவர் Astro Awani-யிடம் தெரிவித்துள்ளார். 

துயர்துடைப்பு மையங்களில், இதுவரை 6 நீரினால் பரவும் நோய்கள் கண்டறியப்பட்டுள்ளதாக, முன்னதாக சுகாதார அமைச்சு தெரிவித்துள்ளது. 

------- 

இதனிடையே, நான்காயிரத்துக்கும் மேற்பட்டோர் வெள்ளத்தால் பாதிக்கப்பட்டுள்ளனர்.  

ஆக அதிகமாக தெரெங்கானுவில், மூவாயிரத்துக்கும் அதிகமானோர் பாதிக்கப்பட்டு, 14 வெள்ள நிவாரண மையங்களில் தங்க வைக்கப்பட்டுள்ளனர்.  

ஜொகூரில் 139 பேரும், பேராக்கில் 34 பேரும், பஹாங்கில் 21 பேரும் PPS மையங்களில் தங்கியிருக்கின்றனர்.  

-------- 

இவ்வேளையில், சில மாநிலங்களில் கனமழை எச்சரிக்கை விடுக்கப்பட்டுள்ளது. 

கோலாலம்பூர், சிலாங்கூர், கெடா உட்பட சில மாநிலங்களின் பெரும்பாலான பகுதிகளில், இன்றிரவு 7 மணி வரை இடியுடன் கூடிய கனமழை பெய்யும் என மெட் மலேசியா கணித்துள்ளது. 

------- 

அதே சமயம், பெர்லிஸ், கெடா, பேராக், கிளாந்தான், தெரெங்கானு ஆகிய மாநிலங்களில், நாளை வரை தொடர் மழை பெய்யலாம் என மெட் மலேசியா முன்னதாக தகவல் வெளியிட்டிருந்தது. 

-------- 

எரிபொருள் கசிவு காரணமாக, சிங்கப்பூர் செல்லும் Air India விமானம், சென்னை விமான நிலையத்தில் தரையிறக்கப்பட்டது.