← Back to list

வாய்மொழித் தேர்வுக்கு விலக்களிப்பு!

Dec 03, 2024

நேற்று SPM-மின் மலாய் வாய்மொழித் தேர்வு செய்ய முடியாமல் போன வெள்ளத்தால் பாதிக்கப்பட்ட மாணவர்கள், இவ்வார வியாழக்கிழமை வரை செய்ய அனுமதியளிக்கப்பட்டுள்ளது. 

இந்த முக்கியமான தேர்வை எந்த SPM மாணவர்களும் தவறவிடாமல் இருப்பதை உறுதிச் செய்ய அம்முடிவு எடுக்கப்பட்டுள்ளதாக, கல்வியமைச்சர் Fadhlina Sidek தெரிவித்துள்ளார். 

இதனிடையே, அப்பேரிடரால் பாதிக்கப்பட்ட மாணவர்களை, மனரீதியாக தேர்வுக்கு தயார்படுத்தும் வகையில், உணர்ச்சி மீட்பு கட்டத்தில் தமதமைச்சு தற்போது கவனம் செலுத்தி வருவதாக அவர் கூறினார். 

வெள்ளத்தால் பாதிக்கப்பட்ட மாநிலங்கள் உட்பட நாடு முழுவதும், நேற்று அத்தேர்வு சுமுகமாக நடைபெற்றதாக அவர் கூறினார். 

அப்பேரிடரால் பாதிக்கப்பட்ட மாநிலங்களில் உள்ள SPM மாணவர்கள், திட்டமிட்டப்படி தேர்வெழுத, OP Payung திட்டத்தின் கீழ் தங்கும் விடுதிகளுக்கு இடமாற்றம் செய்யப்பட்டனர்.   

------- 

மற்றொரு நிலவரத்தில், வெள்ளத்தால் பாதிக்கப்பட்ட மக்கள், வர்த்தகர்கள் ஆறு மாதங்கள் வரை கடன்களை திருப்பி செலுத்த விலக்களிக்கப்பட்டுள்ளது !  

Bank Rakyat வங்கியின் தலைமை செயல்முறை அதிகாரி அதனை அறிவித்துள்ளார்.  

அந்த விலக்களிப்பு வெள்ளத்தால் பாதிக்கப்பட்ட வாடிக்கையாளர்களின் நிதிச்சுமையை குறைக்கும் என கூறிய அவர், அதற்கு விண்ணப்பிக்கலாம் என்றார். 

--------  

இவ்வேளையில், மாலை 5 மணி வரையிலான நிலவரப்படி, வெள்ளத்தால் பாதிக்கப்பட்டோரின் எண்ணிக்கை 69-ஆயிரமாகக் குறைந்துள்ளது. 

கிளாந்தானில் 44-ஆயிரத்துக்கும் மேற்பட்டோர் பாதிக்கப்பட்டு, 97 வெள்ள நிவாரண மையங்களில் தங்க வைக்கப்பட்டுள்ளனர். 

தெரெங்கானுவில் 18-ஆயிரம் பேர், PPS மையங்களில் அடைக்கலம் நாடியுள்ளனர். 

--------- 

இதனிடையே அவ்விரண்டு மாநிலங்களிலும், பஹாங்கிலும் இன்றிரவு 9 மணி வரை கனமழை எச்சரிக்கை விடுக்கப்பட்டுள்ளது. 

மற்ற சில மாநிலங்களில் இன்றிரவு 7 மணி வரை இடியுடன் கூடிய கனமழை பெய்யும் என Met Malaysia கணித்துள்ளது. 

-------- 

மலேசிய பூப்பந்து சங்கம் மீதான MACC-யின் விசாரணைக்கு வழிவிட ஏதுவாக,  ஊகங்களை பரப்ப வேண்டாம் என இளைஞர் விளையாட்டுத் துறை அமைச்சு பொதுமக்களைக் கேட்டுக்கொண்டுள்ளது.