← Back to list

SPM மாணவர்கள் இடமாற்றம் !

Dec 02, 2024

வெள்ளத்தால் பாதிக்கப்பட்ட மாநிலங்களில், SPM தேர்வெழுதும் அனைத்து மாணவர்களையும் Op Payung திட்டத்தின் கீழ் மாற்றும் நடவடிக்கை நிறைவடைந்துள்ளது. 

வெள்ளத்தில் மீட்கப்பட்ட அனைவரும், தற்போது தங்கும் விடுதிகளில் தங்க வைக்கப்பட்டுள்ளதாக கல்வி அமைச்சர் Fadlina Sidek தெரிவித்துள்ளார். 

தேர்வுக்குத் தயாராக ஏதுவாக, அவர்களுக்கு மீள்பார்வை புத்தகங்கள், இணையச் சேவை, கணினி வசதிகள் ஆகியவை செய்து தரப்பட்டுள்ளன. 

அப்பேரிடரால் பயங்கரமாக பாதிக்கப்பட்டுள்ள Kelantan, Terengganu, Kedah போன்ற மாநிலங்களில் தேர்வெழுதும் மாணவர்கள், நிர்ணயிக்கப்பட்ட நேரத்தில் தேர்வு மையங்களில் இருப்பதை உறுதிச் செய்ய அது அவசியமென, முன்னதாக துணைப் பிரதமர் தெரிவித்திருந்தார். 

---------- 

SPM தேர்வை, வெள்ளம் அல்லாத காலங்களில் வைக்கும்படி, பல்வேறு தரப்புகளிடமிருந்து வரும் பரிந்துரைகள் ஆராயப்பட்டு வருவதாக, கல்வி அமைச்சர் Fadlina Sidek தெரிவித்துள்ளார்..   

கிழக்குக் கரை மாநிலங்களில் இம்முறை, ஐயாயிரத்துக்கும் மேற்பட்ட SPM தேர்வெழுதும் மாணவர்கள் வெள்ளத்தால் பாதிக்கப்பட்டிருப்பதாக, முன்னதாகத் தகவல் வெளியானது.    

-------

இதனிடையே, இன்று மாலை ஐந்து மணி நிலவரப்படி, வெள்ளத்தால் பாதிக்கப்பட்டோரின் எண்ணிக்கை, 1 லட்சத்து பன்னிரெண்டாயிரமாகக் குறைந்துள்ளது.   

கிளாந்தானில், அறுபத்து ஒன்பதாயிரத்துக்கும் மேற்பட்டோரும், தெரெங்கானுவில் முப்பத்து இரண்டாயிரத்துக்கும் அதிகமானோரும் பாதிக்கப்பட்டுள்ளனர்.   

-------

இவ்வேளையில், பெர்லிஸ் தவிர அனைத்து மேற்குகரை மாநிலங்களிலும், இன்றிரவு 7 மணி வரை இடியுடன் கூடிய கனமழை பெய்யுமென மெட் மலேசியா கணித்துள்ளது.

-----------  

நாடு முழுவதும் நேற்று மட்டும் 1,400-க்கும் மேற்பட்ட சாலை விபத்துகள் பதிவு செய்யப்பட்ட வேளை, பத்து மரணங்கள் பதிவானதாக காவல்துறை தெரிவித்துள்ளது. 

--------  

Mitra-வின் 2025-ஆம் ஆண்டிற்கான PPSMI எனப்படும், இந்திய சமூகப் பொருளாதார மேம்பாட்டுத் திட்ட மானிய விண்ணப்பம், இன்று தொடங்கி, அடுத்தாண்டு ஜனவரி 5-ஆம் தேதி வரை வரை திறக்கப்பட்டுள்ளது.