← Back to list

தேர்வுகள் ரத்து !

Nov 26, 2024

பள்ளிகளில் தேர்வுகளை ரத்துச் செய்தால், அது மாணவர்களின் மன அழுத்தத்தைக் குறைக்க முடியும் ! 

கல்வியமைச்சர் Fadhlina Sidek அவ்வாறு தெரிவித்துள்ளார். 

தேர்வுகளை ரத்துச் செய்து விட்டு, மாணவர்களுக்கு ஆய்வு, அனுபவம், வாழ்க்கை சூழல் தொடர்பான கற்றல் கற்பித்தலை வழி நடத்த வேண்டும் என அவர் கூறினார். 

கற்றல் கற்பித்தல் நடவடிக்கை மட்டுமல்லாமல், மாணவர்கள் விளையாட்டு, கழகங்கள், சீருடை இயக்கங்கள் ஆகியவற்றில், தங்களை ஈடுபடுத்திக் கொள்ள வேண்டும் என்றாரவர். 

எனவே, அதன் மூலம் அவர்களுக்கு அனுபவக் கல்வியும் கிட்டும் என அவர் மேலும் குறிப்பிட்டார். 

----------- 

தெரெங்கானுவில், SPM தேர்வு காலகட்டத்தின் போது, வெள்ளம் ஏறும் அபாயமுள்ள 8 பள்ளிகள் அடையாளம் காணப்பட்டுள்ளன. 

அதிக ஆபத்துள்ள பகுதியில் அமைந்துள்ள பள்ளிகளில் பயிலும் மாணவர்கள், மாற்றுத் தேர்வு மையங்களில் தேர்வினை எழுத அனைத்து முன்னேற்பாடுகளும் செய்யப்பட்டுள்ளன.  

SPM தேர்வு, அடுத்த மாதம் 2-ஆம் தேதி தொடங்கி, அடுத்தாண்டு பிப்ரவரி 6-ஆம் தேதி வரை நடைபெறவுள்ளது. 

----------- 

நாட்டின் சில மாநிலங்களில் வரும் வெள்ளிக்கிழமை வரை, தொடர் கனமழை பெய்யும் என கணிக்கப்பட்டுள்ளது. 

அதில் தெரெங்கானுவிலும், பஹாங்கிலும் பயங்கரமாக பெய்யலாம் என மலேசிய வானிலை ஆய்வு மையம் தெரிவித்துள்ளது. 

----------   

KL-லில் தனது தாயைக் கொலை செய்து, மூன்றாண்டுகளாக, குளிர்சாதனப் பெட்டியில் அடைத்து வைத்த ஆடவர் மீது நீதிமன்றத்தில் குற்றஞ்சாட்டப்பட்டுள்ளது. 

குற்றம் நிரூபிக்கப்பட்டால், அவருக்கு மரண தண்டனை அல்லது அதிகபட்சம் 40 ஆண்டுகள் சிறைத்தண்டனை மற்றும் குறைந்தபட்சம் 12 பிரம்படிகள் விதிக்கப்படலாம். 

---------- 

இவ்வாண்டு இறுதிக்குள் அனைத்து KL Monorail நிலையங்களிலும், முழு தானியங்கி இயங்குதள வாயில்கள் அமைக்கப்படும்  என போக்குவரத்து அமைச்சர் Anthony Loke தெரிவித்துள்ளார்.