← Back to list

மறைந்தாலும் விசாரணை தொடரும் !

Nov 23, 2024

அண்மையில் காலஞ்சென்ற முன்னாள் நிதியமைச்சர் Tun Daim Zainuddin மீதான விசாரணையை, மலேசிய ஊழல் ஒழிப்பு ஆணையம் இன்னமும் தொடருகிறது ! 

தனது சொத்து விவரங்களை அறிவிக்கத் தவறியதாக Tun Daim மீது குற்றஞ்சாட்டப்பட்டிருந்தது. 

எனினும், அவர் காலமானதால் கோலாலம்பூர் Seksyen நீதிமன்றம், அவ்வழக்கிலிருந்து அவரை விடுவித்தது. 

என்றாலும், தங்களின் விசாரணை நிறுத்தப்படவில்லை என்றும்,  Daim-மின் மனைவி, பிள்ளைகள், வெளிநாடுகளில் சேர்த்து வைத்திருக்கும் சொத்துக்கள் குறித்தும் விசாரித்து வருவதாக  MACC  தெளிவுப்படுத்தியது. 

----------- 

மறைந்த சமூக ஊடக பிரபலம் இஷாவை மகடிவதை செய்ததாக குற்றஞ்சாட்டப்பட்டவர்களில் ஒருவரை, காவல்துறை  மீண்டும் கைதுச் செய்துள்ளது. 

இம்முறை அச்சந்தேக நபர், மற்றொரு பெண்ணை இணைய பகடிவதை செய்ததாக கிடைக்கப்பெற்ற புகாரதைத் தொடர்ந்து, அக்கைது நடவடிக்கை மேற்கொள்ளப்பட்டது. 

தனது நெருங்கிய நண்பரான இஷாவுடன் சேர்ந்து, அச்சந்தேக நபர் மற்றும் இன்னொருவர், தம்மையும் இணைய பகடிவதை செய்ததாகப், பாதிக்கப்பட்ட ஹேமலத்தா என்பவர் புகாரில் குறிப்பிட்டுள்ளார். 

கைதான அச்சந்தேக நபர் கடந்த ஞாயிற்றுக்கிழமை விசாரிகப்பட்டு, காவல்துறை பிணையில் விடுவிக்கப்பட்டதை, அத்துறை உறுதிப்படுத்தியது. 

-------- 

நாட்டில் வெள்ளத்தால் தற்போது ஐந்து மாநிலங்கள் பாதிக்கப்பட்டுள்ளன. 

அவற்றில் ஆக அதிகமாக, தெரெங்கானுவில் கிட்டத்தட்ட 407 பேர் பாதிக்கப்பட்டுள்ளனர். 

மலாக்காவில் 284 பேரும், பேராக்கில் 63 பேரும், கிளாந்தானில் 40 பேரும், சிலாங்கூரில் 7 பேரும், PPS மையங்களில் தஞ்சம் புகுந்துள்ளனர். 

---------- 

தலைநகர் புடுவில், பாலியல் தொழிலில் ஈடுபட்டு வந்ததாக நம்பப்படும் 7 வெளிநாட்டு பெண்கள் கைது செய்யப்பட்டுள்ளனர். 

--------- 

மலேசியா உள்ளிட்ட 38 நாடுகளுக்கு, விசா இல்லாத அவகாசத்தை, 15 நாட்களில் இருந்து 30 நாட்களாக சீனா அரசாங்கம் நீட்டித்துள்ளது.  

இது நவம்பர் 30 முதல் அடுத்தாண்டு இறுதி வரை அமலில் இருக்கும்.