← Back to list

நீதிமன்றத்தில் UPNM மாணவன்!

Nov 22, 2024

மலேசிய தேசிய தற்காப்பு பல்கலைக்கழகத்தில், முதலாண்டு மாணவனை மிதித்து பகடிவதைச் செய்ததாகக் கூறப்படும் அப்பல்கலைக்கழக மூத்த மாணவன், நீதிமன்றத்தில் நிறுத்தப்பட்டுள்ளான் !  

அவன் நீதிமன்றத்தில் தம்மீது சுமத்தப்பட்ட குற்றச்சாட்டை மறுத்தான்.  

குற்றஞ்சாட்டப்பட்டவனால், மிதிக்கப்பட்டு பகடிவதை செய்யப்பட்ட அந்த 19 வயது மாணவனுக்கு, விலா எலும்பிலும், முதுகெலும்பிலும் விரிசல் ஏற்பட்டதாக, முன்னதாக செய்திகள் வெளிவந்தன.   

அதற்கு முன் தான் அதே பல்கலைக்கழகத்தில், இஸ்தெரிப் பெட்டியால் வேறொரு மாணவர் சூடு வைக்கப்பட்டு, பகடிவதை செய்யப்பட்டதும் குறிப்பிடத்தக்கது.  

--------- 

நாடு மூழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்டன.  

அதில், 29 மரணங்கள் பதிவானதாக காவல்துறை தெரிவித்துள்ளது. 

மார்ச் மாத மத்தியில் PDRM சாலை விபத்து தொடர்பான புள்ளிவிவரங்களை வெளியிட தொடங்கியதிலிருந்து, பதிவுச் செய்யப்பட்ட அதிகமான சாலை விபத்து தொடர்பான மரணங்கள் இதுவாகும்.  

---------  

பேராக் Teluk Intan-னில், பட்டாசு வெடித்து, மண்டபமொன்றை தீப்பிடிக்க வைத்தது மற்றும் வெடிப்பு பொருளை சட்டவிரோதமாக வைத்திருந்ததாக, இரு சகோதரரகள் மீது இன்று வெவ்வேறு நீதிமன்றங்களில் குற்றஞ்சாட்டப்பட்டது. 

அவ்விருவரும் தங்கள் மீதான குற்றச்சாட்டை மறுத்தனர். 

--------- 

கிறிஸ்துமஸ் கொண்டாட்டம் மற்றும் பள்ளி விடுமுறைகளை முன்னிட்டு, KL Sentral - Padang Besar இடையிலான, இரு வழி பயணங்களுக்குக் கூடுதலாக  இரு ETS சேவைகளை, KTMB அறிவித்துள்ளது. 

டிசம்பர் 20-ஆம் தேதி தொடங்கி, டிசம்பர் 29-ஆம் தேதி வரை, மக்கள் அந்த சிறப்புச் சேவையை அனுபவிக்கலாம். 

------- 

கோலாலம்பூரில் PPR, மக்கள் வீடமைப்புத் திட்டங்களில் குடியிருப்போரில் சிலர், பல முறை எச்சரிக்கை விடுக்கப்பட்டும், 124 ரிங்கிட் மாத வாடகையைச் செலுத்த மறுத்து வருவதாக DBKL தெரிவித்துள்ளது. 

சம்பந்தப்பட்டோர், விரைந்து வாடகை பாக்கியைச் செலுத்தி விட வேண்டும்; நாங்கள் வந்து வீட்டுக் கதவை தட்டும் அளவுக்கு வைத்துக் கொள்ள வேண்டாம் என அது எச்சரித்தது.