← Back to list

வானிலை தகவல்கள் ஒளிபரப்பு !

Nov 21, 2024

கோலாலம்பூர் மாநகர் மன்றத்தின் கீழுள்ள அனைத்து மின்னணு விளம்பர பலகைகளில், நாளை முதல் தற்போதைய வானிலை தகவல்கள் மற்றும் வெள்ள எச்சரிக்கைகள் ஒளிபரப்பப்படும் ! 

வெள்ளப்பெருக்கு ஏற்பட்டால், பொதுமக்கள் முன்கூட்டியே தயார் செய்து, நடவடிக்கை எடுக்க முடியும் என்பதை உறுதி செய்யவே, அந்நடவடிக்கை செயல்படுத்தப்படுவதாக, கூட்டரசு பிரதேச அமைச்சர் Dr Zaliha Mustafa தெரிவித்துள்ளார். 

மலேசிய வானிலை ஆய்வுத் துறை மற்றும் நீர்ப்பாசனம் வடிகால் துறைகளுடன் இணைந்து, தமதமைச்சு செயல்பட்டு வருவதாக அவர் கூறினார். 

------- 

நாட்டில் கோலாலம்பூர், சிலாங்கூர், பேராக், கெடா உட்பட பல மாநிலங்களில் கனமழை எச்சரிக்கை விடுக்கப்பட்டுள்ளது !

அம்மாநிலங்களின் பெரும்பாலான பகுதிகளில், இன்றிரவு 9 மணி வரை இடியுடன் கூடிய கனமழை பெய்யும் என மலேசிய வானிலை ஆய்வு மையம் கணித்துள்ளது. 

--------- 

இதனிடையே, ஆக கடைசி நிலவரப்படி, திரங்காணுவில் வெள்ளத்தால் பாதிக்கப்பட்டோரின் எண்ணிக்கை, தற்போது 60-ஆக குறைந்துள்ளது.  

முன்னதாக, ஜொகூர், திரங்காணு, பஹாங் மற்றும் கிளாந்தானில் சனிக்கிழமை வரை கனமழை எச்சரிக்கை விடுக்கப்பட்டிருந்தது. 

--------- 

Putrajaya-வில் நால்வர் பயணித்த கார் தடம்புரண்டு விபத்துக்குள்ளானதில், அதிலிருந்த கரிப்பிணி பெண் உட்பட மூவர் உயிரிழந்துள்ள நிலையில், இன்னொரு கர்ப்பிணி பெண் பலத்த காயங்களுடன் உயிர் தப்பினார். 

-------- 

இதனிடையே, நாடு முழுவதும் நேற்று மட்டும் 1,600-க்கும் மேற்பட்ட சாலை விபத்துகள் பதிவு செய்யப்பட்ட வேளை, 8 மரணங்கள் பதிவானதாக காவல்துறை தெரிவித்துள்ளது.