← Back to list

மழையின் தீவிரம் அதிகரிக்கம் !

Nov 19, 2024

தீபகற்ப மலேசியாவின் கிழக்கு மற்றும் தெற்கு பகுதிகளில், தொடர்ச்சியான கனமழையைக் கொண்டுவரும் பருவமழை, இம்மாத இறுதி வரை தொடரும் என எதிர்பார்க்கப்படுகிறது.   

தற்போதைய வானிலை முன்னறிவிப்பு பகுப்பாய்வின்படி, நவம்பர் 27-ஆம் தேதி முதல் அடுத்த மாத்ம் ஒன்றாம் தேதி வரை, பருமழையின் தீவிரம் அதிகமாக இருக்கும் என எதிர்பார்க்கப்படுவதாக, மெட் மலேசியா தகவல் வெளியிட்டுள்ளது. 

அக்காலகட்டத்தில், தீபகற்ப மலேசியாவின் கிழக்குப் பகுதியில் மிகக் கடுமையான மற்றும் தொடர் மழையை ஏற்படுத்தும் சாத்தியம் உள்ளதாக அது சொன்னது. 

இதனிடையே, தற்போது தொடங்கியிருக்கும், வடகிழக்கு பருவமழைக் காலத்தில், வானிலை எச்சரிக்கைகள் குறித்து, மக்கள் விழிப்புணர்வுடன் இருக்க வேண்டும் என பாஹாங்கின், பாதுகாப்புப் படை இயக்குநர் கேட்டுக்கொண்டுள்ளார்.

----------- 

அதே வேளை, கோலாலம்பூர், சிலாங்கூர் உட்பட சில மாநிலங்களில், இன்று மாலை 7 மணி வரை, இடியுடன் கூடிய கனமழை பெய்யும் என மெட் மலேசியா கணித்துள்ளது.

--------

இவ்வாண்டு தொடங்கி, இம்மாதம் ஒன்றாம் தேதி வரை, மலேசிய தொடர்பு பல்லூடக ஆணையம், எட்டாயிரத்துக்கும் மேற்பட்ட, இணைய பகடிவதை தொடர்பான புகார்களைப் பெற்றுள்ளது. 

அதாவது ஒரு நாளைக்கு 27 புகார்கள் பதிவானதாக, தொடர்புத்துறை அமைச்சர் தெரிவித்துள்ளார். 

முந்தைய காலங்களில் பதிவான 10 புகார்களை விட இது அதிகமே என  Fahmi Fadzil கூறினார்.

---------- 

பொது பயிற்சியாளர் கிளினிக்குகள், ஒழுங்குமுறை இணக்கத்திற்காக, நோயாளிகளிடம் கட்டணம் விதிக்கலாம். 

ஆனால்,  அந்த கட்டணம் நோயாளிகளுக்கு சுமையாக மாறி விடாமல் இருப்பதை உறுதிச் செய்ய, அது நியாயமானதாக இருக்க வேண்டும் என சுகாதார அமைச்சு கூறியது. 

ஒழுங்குமுறை இணக்க கட்டணம் என்பது, ஒரு மருத்துவமனை அல்லது சுகாதார வசதி பாதுகாப்பாகவும், நெறிமுறையாகவும், சட்டப்பூர்வமாகவும் செயல்படுவதற்குத் தேவையான சட்ட மற்றும் ஒழுங்குமுறைத் தேவைகளைப் பூர்த்தி செய்வதை உறுதி செய்வதோடு, தொடர்புடைய செலவுகளை ஈடுகட்ட உதவுவதாகும்.

--------- 

கோலாலம்பூர் Bukit Jalil நெடுஞ்சாலையில், சிறுமி ஒருவர் உயிரிழக்கக் காரணமான விபத்தை ஏற்படுத்தி விட்டு, நிற்காமல் சென்ற ஆடவர், இன்று நீதிமன்றத்தில் நிறுத்தப்பட்டார். 

அவர் தம்மீதான குற்றச்சாட்டை மறுத்தார்.