← Back to list

RON95-கான உதவித் தொகை !

Nov 12, 2024

வாகன உரிமை வரியை அடிப்படையாகக் கொண்டு இலக்கு வைக்கப்பட்ட ரோன் 95-க்கான உதவித் திட்டத்தை அமல்படுத்துவதால், அத்தொகையை தகுதியான சில குடும்பங்களும் பெற இயலாத நிலை ஏற்படும் ! 

பொருளாதார அமைச்சர் Rafizi Ramli அவ்வாறு தெரிவித்துள்ளார். 

பி40 குடும்பங்களில் சுமார் 40 விழுக்காட்டினர் சொந்த வாகன உரிமையைக் கொண்டிருக்கவில்லை என்பது PADU தரவு தளம் மூலம் தெரிய வந்துள்ளது. 

அவர்கள் மற்றவர்களின் வாகனங்களைப் பயன்படுத்தக்கூடும். 

அதனால் பெரும் சிக்கல் உண்டாகியுள்ளதாக அவர் கூறினார். 

வாகனப் பதிவைப் பயன்படுத்துவது சிறப்பானது என பரிந்துரைக்கப்பட்டாலும் , B40-யைச் சேர்ந்தவர்கள், வாகனப் பதிவைக் கொண்டிராதவர்களாகவும், பிறர் பெயரில் உள்ள வாகனங்களைப் பயன்படுத்துபவர்களாகவும் உள்ளதாக அவர் மேலும் சொன்னார்.

--------- 

இன்று காலை பெய்த கனமழையால், நில அமிழ்வு ஏற்பட்ட NKVE கிள்ளான் பள்ளத்தாக்கு நெடுஞ்சாலையில், பழுவு பார்க்கும் பணிகள் நடைபெற்று வருகின்றன. 

Kota Damansara-விலிருந்து, Damansara நோக்கிச் செல்லும் அவசரப் பாதையில், அந்த திடீர் பள்ளம் ஏற்பட்டது. 

அதையடுத்து, வாகனமோட்டிகளின் பாதுகாப்புக் கருதி, சாலையில் ஆக இடதுபுற பாதையும், அவசரப் பாதையும் மூடப்பட்டதாக, PLUS நிறுவனம் தெரிவித்தது. 

அங்குள்ள போக்குவரத்து நிலவரங்களைத் தெரிந்துகொள்ள வேண்டுமென்றால், Astro Radio Traffic, சமூக ஊடக வலைத்தளங்களை வலம் வரலாம்.

--------- 

மலேசிய தேசிய தற்காப்புப் பல்கலைக்கழகத்தில், பகடிவதை சம்பவங்களைத் தடுக்க, தற்காப்பு அமைச்சு சில ஆக்ககர நடவடிக்கைகளை எடுத்துள்ளது. 

அதில், தங்குமிட பகுதிகளில் அதிக CCTV கேமராக்களை நிறுவுவது மற்றும் தக்குமிட பகுதிகளை பிரித்து வைப்பது ஆகியவை அடங்கும்.

---------- 

பினாங்கில், கடந்த ஞாயிற்றுக்கிழமை 14 வயது சிறுமியை கூட்டாக சேர்ந்து பாலியல் பலாத்காரம் செய்ததாக நம்பப்படும் நால்வரை, காவல்துறை கைதுச் செய்துள்ளது.