← Back to list

RON95 மானியம் கிடைக்குமா?

Nov 05, 2024

உயர்ந்த வருமானம் பெரும் T15 சமூகத்தினருக்கு, RON95 பெட்ரோல் மானியம் கிடைக்குமா இல்லையா என்பதை அரசாங்கம் இன்னும் பரிசீலித்து வருகிறது.  

மானியக் கட்டமைப்பை செயல்படுத்துவதில், அனைத்து தரப்பினரின் விரிவான கருத்துகள் கணக்கில் எடுத்துக்கொள்ளப்படும் என இரண்டாவது நிதியமைச்சர் Datuk Seri Amir Hamzah Azizan தெரிவித்துள்ளார். 

வெளிநாட்டினரும், T15 சமூகத்தினரும், RON95 பெட்ரோலுக்கு மானிய விலையின்றி, சந்தை விலையின்படி பணம் செலுத்த வேண்டும் என முன்னதாக பிரதமர் வலியுறுத்தியிருந்தார். 

மற்றொரு நிலவரத்தில், கடந்த மாதம் இறுதிவரை, 140 ஆயிரத்துக்கும் மேற்பட்டோர், Budi Madani உதவித் தொகையைப் பெற்றுள்ளதாக, Datuk Seri Amir Hamzah Azizan தெரிவித்தார். 

-------- 

தகுதி பெற்ற 52 ஆயிரத்துக்கும் மேற்பட்ட மாணவர்களில் 68 விழுக்காட்டினர், FLYsiswa வவுச்சர்களை பெற்றுள்ளதாக போக்குவரத்து அமைச்சு தெரிவித்துள்ளது. 

அம்முயற்சி, ஆண்டுதோறும் செயல்படுத்தப்படும் என அவ்வமைச்சு கூறியது. 

தீபகற்ப மாநிலங்கள், சபா, சரவாக் மற்றும் லாபுவான் இடையே பிராந்திய ஒருங்கிணைப்பை வலுப்படுத்தும் முயற்சிகளின் ஒரு பகுதியாக இது அமைகிறது. 

---------

Selangor Ampang Jaya-வில், பூனையை பெரிய வலைக்குள் போட்டு சுமார் 200 மீட்டர் தூரம் இழுத்துச் சென்று துன்புறுத்திய 60 வயது மதிக்கத்தக்க ஆடவருக்கு எதிராக, காவல்துறை விசாரணையை தொடங்கியுள்ளது. 

அதன் தொடர்பான காட்சிகள் அடங்கிய காணொலி, சமூக ஊடகங்களில் பரவலாக பகிரப்பட்டிருந்தது. 

---------- 

கிள்ளானில், கடந்த மாதம் 12 வயது சிறுமியைக் கடத்திய குற்றத்திற்காக, நால்வருக்கு, மூன்றாண்டுகள் சிறை தண்டனை விதிக்கப்பட்டுள்ளது. 

--------- 

தாய்லாந்து அரசாங்கம் இந்திய குடிமக்களுக்கு, விசா இல்லாத நுழைவை அறிவித்துள்ளது. 

இதன் மூலம் அவர்கள், தாய்லாந்தில் விசா இல்லாமல் 60 நாட்கள் வரை தங்க அனுமதிக்கப்படுகிறார்கள்.