← Back to list

KL-லில் கனமழை; நிலச்சரிவு!

Oct 15, 2024

கோலாலம்பூர், Taman Melawati அருகில் ஏற்பட்ட நிலச்சரிவினால், அங்கு வசிக்கும் சுமார் 300 குடியிருப்புவாசிகள் வெளியேற்றப்பட்டுள்ளனர். 

அச்சம்பவம் நடந்த இடம் ஆபத்தானது என அதிகாரிகள் அறிவித்ததால், முன்னெச்சரிக்கை நடவடிக்கையாக, அக்குடியிருப்புவாசிகளுக்கு அவ்வுத்தரவு பிறப்பிக்கப்பட்டுள்ளது. 

கனமழையைத் தொடர்ந்து அங்கு நிலச்சரிவு ஏற்பட்ட வேளை, அதன் தொடர்பான காட்சிகள் அடங்கிய காணொலி சமூக ஊடகங்களில் பரவலாக பகிரப்பட்டிருந்தது. 

அதில் உயிருடற்சேதம் எதுவும் ஏற்படவில்லை. 

-------- 

இதனிடையே, கனமழையால் கிள்ளான் பள்ளத்தாக்கில் ஏற்பட்ட திடீர் வெள்ளம், வடியத் தொடங்கியுள்ளது. 

அதில் மலாயாப் பல்கலைக்கழகமும் அடங்கும். 

அதனால், அங்கு வகுப்புகளை ரத்து செய்ய வேண்டிய கட்டாயம் ஏற்பட்டது. 

தற்போது அங்கு நிலைமை சற்று சீரடைந்து, சம்பந்த்தப்பட்ட பாதை போக்குவரத்துக்கு திறக்கப்பட்டுள்ளது.  

---------  

மற்றொரு நிலவரத்தில், கனமழையால் LRT ரயில் பாதை கூறுகள் சேதமடைந்ததை அடுத்து, தற்காலிகமாக நிறுத்திவைக்கப்பட்டிருந்த  Kelana Jaya வழியின், Wangsa Maju மற்றும் Sri Rampai நிலையங்களுக்கிடையிலான சேவைகள், மீண்டும் தொடங்கப்பட்டுள்ளதாக Rapid KL தெரிவித்துள்ளது. 

-------  

அதே சமயம், காலை மணி 10.50 வாக்கில், வெள்ள நடவடிக்கைகளுக்காக மூடப்பட்டிருந்த SMART சுரங்கப்பாதை, மீண்டும் முழுமையாக திறக்கப்பட்டுள்ளதாக தெரிவிக்கப்பட்டுள்ளது.   

--------- 

Terengganu-வில் சமூக ஊடகங்களில் சீற்றத்தை ஏற்படுத்திய, தெருநாயை சுட்டுக் கொன்ற விவகாரம் தொடர்பில், விலங்கு உரிமை ஆர்வலர்களின் கூட்டணி, அம்மாநிலத்தில் உள்ள Besut மாவட்ட மன்றம் மீது வழக்குத் தொடர திட்டமிட்டுள்ளதாக, FMT தெரிவித்துள்ளது.