← Back to list

PPSMI மானிய விண்ணப்பம் ஒத்திவைப்பு!

Oct 12, 2024

இந்திய சமூகத்திற்கான, 2025 சமூகப் பொருளாதார மேம்பாட்டு மானியத்திற்கான விண்ணப்பத்தை ஒத்திவைக்க, மலேசிய இந்திய உருமாற்றப் பிரிவு MITRA முடிவுச் செய்துள்ளது.  

புதிய விண்ணப்ப தேதி பின்னர் அறிவிக்கப்படும் என MITRA தெரிவித்தது. 

அதன் தொடர்பில் ஆறு மாநிலங்களில் நடத்தப்பட்ட விவாதங்களைத் தொடர்ந்து, சில முன்னேற்றங்களுக்கு வழிவிட ஏதுவாக, அம்முடிவு எடுக்கப்பட்டதாக  அது சொன்னது. 

---------- 

இவ்வாண்டின் மூன்றாம் காலாண்டில், மோசடி மற்றும் உரிமம் பெறாத நடவடிக்கைகள், தொடர்ந்து அதிகரித்து வருவதாக, மலேசிய பாதுகாப்பு ஆணையம் தெரிவித்துள்ளது.    

அது குறித்து 3,300-க்கும் அதிகமான புகார்களும், விசாரணைகளும் கிடைக்கப்பெற்றுள்ளதாக அவ்வாணையம் சொன்னது.   

--------- 

மலாக்காவில், தான் கடத்தப்பட்டுவிட்டதாகவும், எழுபதாயிரம் ரிங்கிட் கட்டினால் மட்டுமே தன்னை விடுவிக்கப்படவிருப்பதாகவும் கூறி நாடகமாடிய மாதுவை, காவல்துறை கைது செய்துள்ளது.  

along-குடனான தனது கடனை தீர்க்க, தாம் அவ்வாறு செய்ததாக ஒப்புக்கொண்ட அந்த 55 வயது மாது, ஆறு நாட்கள் தடுப்புக் காவலில் வைக்கப்படுகிறார்.  

---------- 

நாட்டில் வெள்ளத்தால் பாதிக்கப்பட்டோரின் எண்ணிக்கை, மூவாயிரத்து நூறாக பதிவாகியுள்ளது. 

ஆக அதிகமாக, கெடாவில் 2,700-க்கும் மேற்பட்டோர் பாதிக்கப்பட்டுள்ளனர். 

----------  

கோலாலம்பூர், காராக் நெடுஞ்சாலையில், செம்பணை எண்ணையை ஏற்றிச்  சென்ற tanker லோரி ஒன்று கட்டுப்பாடை இழந்து விபத்துக்குள்ளனதில், அதன் ஓட்டுநர் உயிரிழந்துள்ளார்.