← Back to list

Altantuya-வின் கொலையாளி !

Oct 10, 2024

மங்கோலிய மாடல் அழகி Altantuya Shaaribuu-வின் கொலையாளியான முன்னாள் Inspector Azilah Hadri, தூக்கு தண்டனையிலிருந்து தப்பியுள்ளார். 

அதற்கு பதிலாக அவருக்கு, கூட்டரசு நீதிமன்றம் 40 ஆண்டுகள் சிறை தண்டனையும், 12 பிரம்படிகளும் விதித்து தீர்ப்பளித்தது. 

Azilah, தனது மரண தண்டனையை மறுஆய்வு செய்யக் கோரி செய்திருந்த விண்ணப்பத்தை ஏற்றுக்கொண்டு, நீதிமன்றம் அத்தீர்ப்பை வழங்கியது. 

------- 

நாட்டில் நான்கு மாநிலங்களில் வெள்ளத்தால், நான்காயிரத்து நானூற்றுக்கும் மேற்பட்டோர் பாதிக்கப்பட்டுள்ளனர்.

அதில் ஆக அதிகமாக கெடாவில், 3,600-க்கும் மேற்பட்டோர் பாதிக்கப்பட்டு, 24 வெவ்வேறு வெள்ள நிவாரண மையங்களில் தஞ்சம் புகுந்துள்ளனர்.  

இதனிடையே, பெர்லிசில் கிட்டத்தட்ட 640 பேர் பாதிக்கப்பட்டுள்ள நிலையில், பேராக்கில் 130-க்கும் மேற்பட்டோரும், ஜொகூரில் 17 பேரும் பாதிக்கப்பட்டுளனர்.   

--------  

நாட்டில் 11 மாநிலங்களில் மாலை 7 மணி வரை இடியுடன் கூடிய கனமழை பெய்யும் என Met Malaysia கணித்துள்ளது. 

கோலாலம்பூர், சிலாங்கூர், பினாங்கு, கெடா ஆகிய மாநிலங்களும் அதிலடங்கும்.

---------- 

நாட்டில் ஒவ்வோராண்டும் சாலை விபத்துகளை உட்படுத்திய ஆறாயிரம் மரணங்கள் பதிவுச் செய்யப்படுகின்றன. 

அதாவது, சராசரியாக ஒவ்வொரு 80 நிமிடங்களிலும், ஓர் இறப்பு பதிவாகி வருவதாக, சாலை போக்குவரத்து அமைச்சு தெரிவித்துள்ளது. 

-------  

இதனிடையே, நாடு முழுவதும் நேற்று மட்டும், 1,700-க்கும் மேற்பட்ட சாலை விபத்துகள் பதிவு செய்யப்பட்ட வேளை, 14 மரணங்கள் பதிவானதாக காவல்துறை தெரிவித்துள்ளது. 

-------- 

இந்தோனேசிய Halmahera-வில் மதியம் மூன்று மணி வாக்கில் நிலநடுக்கம் ஏற்பட்டதில், மலேசியாவில் சுனாமி அச்சுறுத்தல் எதுவும் இல்லையென, மலேசிய வானிலை ஆய்வு மையம் தெரிவித்துள்ளது.