← Back to list

3M-மில் தேர்ச்சி பெறாத மாணவர்கள் !

Oct 07, 2024

நாடு முழுவதும் இவ்வாண்டுக்கான கல்வி தவணையில், மொத்தம் 1 லட்சத்து 22-ஆயிரம் முதலாம் ஆண்டு மாணவர்கள், படித்தல், எழுதுதல் மற்றும் எண்ணுதல் ஆகியவைகளில் இன்னும் தேர்ச்சி பெறவில்லை. 

கல்வி அமைச்சர் Fadhlina Sidek அதனை தெரிவித்துள்ளார். 

அப்பிரச்சனைக்கான காரணங்களில், கோவிட் தொற்று காலத்தின் போது, கல்வியை இடைநிறுத்துவது, வறுமை, சிறப்பு தேவைகள் தேவைப்படுவது போன்ற காரணங்களும், அடங்கும் என அவர் கூறினார். 

கடந்த ஆகஸ்ட் மாதம் தொடங்கப்பட்ட, எழுத்தறிவு மற்றும் எண்ணியல் தலையீடு திட்டம், மாணவர்களுக்கு அந்த மூன்று திறன்களை மேம்படுத்த உதவும் என்றாரவர்.

--------- 

மக்களுக்கு சுமையை ஏற்படுத்தும் நோக்கில் உதவித் தொகைகளை முறைப்படுத்தவில்லை என பிரதமர் டத்தோஶ்ரீ அன்வார் இப்ராஹிம் தெரிவித்ததுள்ளார். 

மின்சாரக் கட்டண சரிசெய்தல், டீசலுக்கான உதவித் தொகையை முறைப்படுத்துதல் ஆகியவை, மக்களுக்கு வலியையோ அல்லது துன்பத்தையோ ஏற்படுத்தும்  நோக்கில் செயல்படுத்தப்படவில்லை. 

அந்நடவடிக்கையிலிருந்து சேமிக்கப்பட்ட பில்லியன் கணக்கான ரிங்கிட் தற்போது, மற்ற உதவித் தொகைகளின் வாயிலாக மக்களிடம் திருப்பி அனுப்பப்படுவதாக பிரதமர் கூறினார். 

---------- 

ஜொகூர் மாநிலத்தின் வார விடுமுறை, அடுத்தாண்டு ஜனவரி தொடங்கி மீண்டும் சனி, ஞாயிற்றுக்கிழமைகளுக்கு மாற்றப்படுவதாக, மாநில இடைக்கால சுல்தான், துங்கு இஸ்மாயில் அதனை அறிவித்துள்ளார். 

பேரரசர் சுல்தான் இப்ராஹிம் இதற்கு இணக்கம் தெரிவித்துள்ளதை அடுத்து, துங்கு இஸ்மாயில் அம்முடிவை அறிவித்துள்ளார். 

பத்து ஆண்டுகளுக்குப் முன்பு அம்மாநிலம், அதன் வார நாட்களை வெள்ளி சனிக்கிழமைகளாக மாற்றியது குறிப்பிடத்தக்கது.

---------- 

ஜொகூரில் நடந்த ஓட்ட நிகழ்வின் போது, பொருத்தமற்ற ஆடைகளை அணிந்த 2 வெளிநாட்டினர் மீது, நீதிமன்றம் ஐயாயிரம் ரிங்கிட் அபராதம் விதித்துள்ளது.   

இதனிடையே, அந்நிகழ்வின் போது அநாகரிகமான செயலில் ஈடுபட்ட மேலும் இருவர் தடுத்து வைக்கைப்பட்டுள்ளதை, காவல்துறை உறுதிப்படுத்தியுள்ளது.

---------- 

நாடு முழுவதும் நேற்று மட்டும் 1,600 சாலை விபத்துகள் பதிவு செய்யப்பட்ட வேளை, 9 மரணங்கள் பதிவானதாக, காவல்துறை தெரிவித்துள்ளது.