← Back to list

கனமழைக்கு தயாராகுங்கள்!

Oct 03, 2024

அடுத்த சில மாதங்களுக்கு அதிக மழை பெய்யும் என்பதால், மக்கள் தங்களைத் தயார்படுத்திக்கொள்ள வேண்டும்! 

வடகிழக்கு பருவமழை காலம் நவம்பர் மாதம் தொடங்கி, அடுத்தாண்டு மார்ச் மாதம் வரை தொடரும் என எதிர்பார்க்கப்படுவதாக, மலேசிய வானிலை ஆய்வு மையம், தெரிவித்துள்ளது. 

அதற்கான காலப்பகுதியில், நாட்டில் நான்கு முதல் ஆறு வரையில் தொடர்ச்சியான, கடுமையான மழை பொழியுமென கணிக்கப்பட்டுள்ளதாக அம்மையம் தெரிவித்துள்ளது. 

நவம்பர், டிசம்பர் மாதங்களில் கிளந்தான், திரெங்கானு, பகாங் ஆகிய மாநிலங்களில் 4 முதல் 6 முறை கனமழை பெய்ய வாய்ப்புள்ளது.  

அதனைத் தொடர்ந்து, இவ்வாண்டு டிசம்பர் முதல் அடுத்தாண்டு ஜனவரி வரை சபா, சரவாக் மாநிலங்களில் கனமழைக்கு அதிகம் வாய்ப்புள்ளதாக, Met Malaysia தெரிவித்துள்ளது. 

மேலும், வலுவான பருவமழை, குறைந்த காற்றழுத்த தாழ்வு மண்டலம் இருந்தால், மேற்கு கடற்கரை மாநிலங்களிலும் தொடர்ச்சியான மழை பெய்யக்கூடும் என்றும் எதிர்ப்பார்க்கப்படுகிறது. 

---------

Datuk Seri Najib Razak-கின் 2.2 பில்லியன் ரிங்கிட் 1MDB விசாரணை மீதான முடிவை வெளியிடும் தேதி, ஆக்டோபர் 30-ஆம் தேதியாக, உயர்நீதிமன்றம் நிர்ணயித்துள்ளது.  

அத்தேதியன்று, அந்த முன்னாள் பிரதமரை விடுவிப்பதா அல்லது அவரது வாதத்தை முன்வைக்க உத்தரவிடுவதா என்பது குறித்து நீதிமன்றம் தீர்ப்பளிக்கும்.  

SRC International வழக்கில் ஏற்கெனவே சிறையில் இருந்து வரும் நஜிப், அதிகார துஷ்பிரயோகம் மற்றும் பணமோசடி ஆகிய 25 குற்றச்சாட்டுகளை எதிர்கொண்டுள்ளார்.     

---------  

கெடாவில் கடந்த மாதம், கட்டப்பட்டு ஆற்றில் வீசப்பட்டதாகக் கூறப்படும் 63 வயதானவரை, தேடி கண்டுபிடிக்கும் பணிகள் நிறுத்தப்பட்டுள்ளதாகக் கூறப்படுகிறது. 

மூன்று நாட்களாக தொடர்ந்த அப்பணியின் போது, எந்த முன்னேற்றங்களும் காணப்படாததால், அப்பணியை நிறுத்தியதாக அதிகாரிகள் தெரிவித்துள்ளனர். 

-------- 

சபா TAWAU-வில் சிறுமியை பாலியல் பலாத்காரம் செய்த, வயது குறைந்த இரண்டு சிறுவர்கள் நீதிமன்றத்தில் நிறுத்தப்ப்ட்டுள்ளனர்.    

-------- 

நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்ட வேளை, 9 மரணங்கள் பதிவானதாக, காவல்துறை தெரிவித்துள்ளது.