← Back to list

லெபனானில் மலேசியர்கள்!

Oct 02, 2024

லெபனானில் இருந்து 15 மலேசியர்கள் மற்றும் மூன்று வெளிநாட்டு வாழ்க்கைத் துணைவர்களை வெளியேற்ற, விஸ்மா புத்ரா நடவடிக்கை எடுத்து வருகிறது. 

ஏற்கெனவே, 9 மலேசியர்கள் தாமாகவே முன்வந்து அந்நாட்டை  விட்டு வெளியேறிவிட்ட நிலையில், மேலும் நால்வர் அங்கேயே இருக்க முடிவு செய்துள்ளனர். 

மறு அறிவிப்பு  வெளியாகும் வரை, அங்குள்ள மலேசிய தூதரகம் களத்தில் இருக்கும். 

------

கோலாலம்பூரிலுள்ள உள்ள ஒரு பள்ளிக்கூடம், அதன் மாணவர்களில் ஒருவர் உயிரிழந்துள்ளதை உறுதிப்படுத்தியுள்ளது.

தற்போது நடைபெற்று வரும் காவல்துறையின் விசாரணைக்கு முழு ஒத்துழைப்பை தருவதாகக் கூறிய அப்பள்ளிக்கூடம், அச்சம்பவம் தொடர்பான சரிபார்க்கப்படாத தகவல்களை பரப்ப வேண்டாம் என பொதுமக்களை கேட்டுக்கொண்டுள்ளது. 

-------- 

கெடாவில் வெள்ள நிலவரம் சீரடைந்து வருகிறது. 

அங்கு 100 பேர் மட்டுமெ தற்போது தற்காலிக துயர்துடைப்பு மையங்களில் தஞ்சம் புகுந்துள்ளனர். 

--------- 

11 ஆண்டுகளுக்கு முன்பு, சபா Lahad Datu-வில் ஊடுருவி, நாட்டின் மாமன்னருக்கு எதிராகப் போர் தொடுத்ததற்காக, ஏழு பிலிப்பின்ஸ் ஆடவர்களுக்கு, இன்று நீதிமன்றம் மரண தண்டனையை உறுதிப்படுத்தியது.  

அவ்வெழுவரின் மேல் முறையீடுகளை நிராகரித்து, கூட்டரசு நீதிமன்றம் அம்முடிவை எடுத்தது.