← Back to list

ஆசிரியர்கள் கவனம் !

Sep 24, 2024

சமூக ஊடகங்களில் மாணவர்கள் தொடர்பான புகைப்படங்கள் அல்லது காணொலிகளை பதிவேற்றம் செய்வதற்கு, கடுமையான விதிமுறைகள் உள்ளன. 

கல்வியமைச்சு, ஆசிரியர்களுக்கு அந்த நினைவூட்டலை வழங்கியுள்ளது.

அது, குழந்தைகளின் பாதுகாப்பையும், தனியுரிமையையும் உறுதிச் செய்ய என அமைச்சர் Fadhlina Sidek தெரிவித்தார். 

ஆக்ஸ்ட் முதல் நடைமுறையில் இருக்கும் வழிகாட்டுதல்களின் கீழ், ஆசிரியர்கள் மாணவர்களை புகைப்படம் எடுக்கவோ, காணொலியாகக் பதிவு செய்யவோ விரும்பினால், அம்மாணவர்களின் பெற்றோர்களிடமிருந்து, கையொப்பமிடப்பட்ட ஒப்புதலைப் பெற வேண்டும். 

--------- 

இதனிடையே, கெடா மற்றும் பேராக்கில் வெள்ளத்தால் பாதிக்கப்பட்ட மாணவர்களுக்கு உதவ, கல்வி அமைச்சு ஏற்கெனவே சம்பந்தப்பட்ட வெள்ள நிவாரண மையங்களுக்கு, தனது ஆதரவுக் குழுக்களை அனுப்பியுள்ளது.  

அம்மாணவர்களுக்கு கல்விக்கான உதவிகளை வழங்க, Smart Support-டும், Academic Support Teams-சும் இணைந்து செயல்படுகின்றன. 

அக்குழுக்கள், அந்த மாணவர்களுக்கு உளவியல் ஆதரவு மற்றும் ஆலோசனையை வழங்கும்.  

-------- 

GISB மற்றும் அதனுடன் இணைந்த நிறுவனங்களின், வணிக பதிவுகள் ரத்து செய்யப்படலாம். 

அந்நிறுவனத்தின் பராமரிப்பு மையங்களில் பிள்ளைகள் தவறான முறையில் பயன்படுத்தப்பட்டு வந்த விவகாரம் தொடர்பில் நடந்து வரும் காவல்துறை விசாரணைகளின் முடிவையே அது பொறுத்துள்ளது என உள்நாட்டு வாணிக வாழ்க்கை செலவின அமைச்சு தெரிவித்துள்ளது. 

-------- 

இதனிடையே, அந்நிறுவனம் மீதான விசாரணையில், மூத்த அதிகாரிகள், பாதுகாத்து வருவதாக கூறப்பட்டு வருவதை, தேசிய காவல்படை தலைவர் மீண்டும் மறுத்துள்ளார்.  

முன்னாள் மூத்த காவல் அதிகாரி ஒருவர், GISB தலைவர்களுடன் தொடர்பு வைத்திருந்ததாக, சமூக ஊடகங்களில் உலா வரும் வதந்திகளை, Tan Sri Razarudin Husain சுட்டிக்காட்டினார்.  

-------- 

2024-ஆம் ஆண்டு SPM மறுதேர்வுகளுக்கான முடிவுகள், அடுத்த வார செவ்வாய்கிழமை வெளியாகவுள்ள நிலையில், மாணவர்கள் தங்கள் முடிவுகளை SMS, அல்லது கல்வியமைச்சின் இணையத்தள போர்ட்டல் வழியாக சரிபார்த்துக் கொள்ளலாம்.