← Back to list

UPSR, PT3-க்கு அவசியமில்லை!

Sep 23, 2024

மாணவர்கள் ஆய்வுக்கு உட்படுத்தப்படும் எலிகள் அல்ல ! 

அதனால், யூபிஎஸ்ஆர், பிடி3 ஆகியப் பொது தேர்வுகள் மீண்டும் அமல்படுத்தப்படாது என கல்வியமைச்சர் தெரிவித்துள்ளார். 

அது தொடர்பான முந்தைய முடிவில், தமதமைச்சு உறுதியாக இருப்பதையும் Fadhlina Sidek சுட்டிக்காட்டினார். 

இருப்பினும், தமதமைச்சு தற்போது 2027-ஆம் ஆண்டுக்கான பள்ளி பாடத்திட்டம், புதிய கல்வி மேம்பாட்டுத் திட்டத்தைச் செயல்படுத்துவதில் கவனம் செலுத்துகிறது என்றார் அவர். 

-------- 

300 of the children rescued from GISBH-linked welfare homes will start receiving a formal education starting next month 

இதனிடையே, GISB நிறுவனம் கீழ் இயங்கும் பராமரிப்பு இல்லங்களில் இருந்து மீட்கப்பட்ட சுமார் 300 குழந்தைகள், அடுத்த மாதம் முதல் முறையான கல்வியைப் பெறுவார்கள் ! 

அவர்களின் வாசிப்பு, எழுதுதல் மற்றும் கணிதம் போன்றவற்றில் உள்ள திறன் உள்ளிட்ட காரணிகளை மதிப்பீடு செய்தவுடன், அக்கல்வி வழங்கப்படும் என கல்வியமைச்சர் தெரிவித்துள்ளார். 

அவர்களுக்கு ஏற்ற கல்வி,சிறப்புக் கற்பித்தல் திட்டம் ஒன்றின் கீழ் வழங்கப்படும் என அவர் முன்னதாக கூறியிருந்தார்.

----------- 

சிலாங்கூர், சுங்கை பூலோ மருத்துவமனையிலிருந்து தப்பியோடிய கைதி, பஹாங் குவாந்தான் பேருந்து நிலையத்தில் கையும் களவுமாக பிடிபட்டுள்ளான். 

அதனை, மலேசிய சிறைச்சாலை துறை உறுதிப்படுத்தியது. 

அந்த கைதி தப்பிக்க வழிவகுத்த, கடமைகளில் அலட்சியமாக இருந்த நபர்கள் மீது கடுமையாகவும், உடனடியாகவும் நடவடிக்கை எடுக்கப்படும் என அத்துறை கூறியது.

--------- 

கெடாவில் ஏழாயிரத்து 200-க்கும் மேற்பட்டோர் வெள்ளதால் பாதிக்கப்பட்டுள்ளனர். 

அவர்கள் அனைவரும் 36 வெவ்வேறு தற்காலிக துயர்துடைப்பு மையங்களில் தங்க வைக்கப்பட்டுள்ளனர். 

இதனிடையே, பேராக்கில் கிட்டத்தட்ட 30 பேர் பாதிகப்பட்டுள்ளனர்.

----------- 

மற்றொரு நிலவரத்தில், நாட்டின் அதிகமான மாநிலங்களில், மாலை 7 மணி வரை இடியுடன் கூடிய கனமழை பெய்யும் என மலேசிய வானிலை ஆய்வு மையம் எச்சரிக்கை விடுத்துள்ளது. 

கெடா, பேராக், பினாங்கு,பெர்லிஸ், கோலாலம்பூர் ஆகிய மாநிலங்களும் அதிலடங்கும்.

-------- 

இலங்கை, தேசிய மக்கள் சக்தியின் தலைவரான அநுர குமார திஸாநாயக்க, அந்நாட்டின் 9வது அதிபராகப் பதவி ஏற்றுள்ளார். 

நடந்து முடிந்த அதிபர் தேர்தலில் அவர் 57 லட்சத்து 40 ஆயிரத்து நூற்று 79 வாக்குகளைப் பெற்றார்.  

இலங்கை தேர்தல் வரலாற்றில் முதன்முறையாக இந்தத் தேர்தலில்தான் விருப்ப வாக்குகள் எண்ணப்பட்டன.