← Back to list

AI; தேசிய வழிகாட்டுதல்கள் !

Sep 20, 2024

செயற்கை நுண்ணறிவு நிர்வாகம் மற்றும் நெறிமுறைகள் குறித்த தேசிய வழிகாட்டுதல்களை, அரசாங்கம் அறிமுகப்படுத்தியுள்ளது.   

பாதுகாப்பான மற்றும் நெறிமுறை தொழில்நுட்ப சுற்றுச்சூழல் அமைப்பை நிறுவ, அவ்வழிகாட்டுதல்கள் உதவும் என துணை பிரதமர் தெரிவித்துள்ளார். 

AI அமைப்புகளால், தரவு எவ்வாறு சேகரிக்கப்படுகிறது, சேர்த்து வைக்கப்படுகிறது மற்றும் பயன்படுத்தப்படுகிறது, என்பதை பாதுகாக்க வேண்டும் என்பதால் அந்த வழிகாட்டுதல்கள் அவசிமாவதாக, Datuk Seri Fadillah Yusof கூறினார். 

குறிப்பாக, தரவுகள் மதிப்புமிக்கதாக விளங்கும் இக்காலகட்டத்தில், வழிகாட்டுதல்கள் மிக மிக முக்கியம் என அவர் கூறினார். 

அரசாங்கம், அதன் நிலைமையை உன்னிப்பாகக் கண்காணித்து வருவதாகவும் உறுதியளித்த அவர்,  அது புதிய வேலை வாய்ப்புகளை உருவாக்கி, உற்பத்தி திறனை மேம்படுத்தும் என்றார். 

அதே சமயம், அது சில துறைகளில் மனிதர்களை உட்படுத்திய வேலைகள் பாதிக்கக்கூடும் என்பதை அவர் மறுக்கவில்லை. 

-------- 

GISB நிறுவனத்தின் நிர்வாக அதிகாரியின் இன்னொரு மகன் கைதாகியுள்ளார். 

நான்கு வெவ்வேறு இடங்களில் நடத்தப்பட்ட சோதனை நடவடிக்கையில், அந்த நிர்வாக அதிகாரி உட்பட எழுவர் கைது செய்யப்பட்டனர். 

அந்நிறுவனத்திற்குச் சொந்தமான 20-க்கும் மேற்பட்ட பராமரிப்பு மௌயங்களை முற்றுகையிட்டதில், நானூறு சிறார்கள் காப்பாற்றப்பட்டு, நூற்று 17-க்கும் மேற்பட்டோர், கைது செய்யப்பட்டனர். 

------- 

இதனிடையே, Negeri Sembilan Kuala Pilah-வில்,  அந்நிறுவனத்துடன் தொடர்புடைய மத பள்ளியொன்றில், நான்கு பிள்ளைகளுக்கு எதிராக பாலியல் வன்கொடுமை செய்ததாக, மற்றொரு ஆசிரியர் உதவியாளர் மீது குற்றஞ்சாட்டப்பட்டுள்ளது. 

அவர் தம்மீதான குற்றச்சாட்டை மறுத்தார். 

அங்குள்ள மத பள்ளியொன்றில், அதே குற்றத்தை புரிந்ததாக நேற்று மூவர் மீது குற்றஞ்சாட்டப்பட்டது. 

--------- 

வரும் 24 தேதி செப்டம்பர் மாதம், மலேசியா பருவமழை மாற்ற கட்டத்திற்குள் நுழைகிறது. 

அக்காலம், நவம்பர் மாத தொடக்கம் வரை இருக்கும் என, மலேசிய வானிலை ஆய்வு மையம் தெரிவித்துள்ளது.  

அக்காலகட்டத்தில், நாடு இடியுடன் கூடிய கனமழையை எதிர்கொள்ளக்கூடும். 

மே மாதம் தொடங்கிய பருவக் காற்று காலம் முடிவடையவிருக்கும் நிலையில், பருவமழைக் காலம் தொடங்குகிறது. 

---------- 

இதனிடையே, இன்றிரவு 8 மணி வரை, கெடா, பேராக், பஹாங், சபா, சரவாக்கில், இடியுடன் கூடிய கனமழை பெய்யும் என Met Malaysia கணித்துள்ளது.