← Back to list

கெடாவில் மோசமடைந்துள்ள வெள்ளம்!

Sep 19, 2024

கெடாவில் வெள்ளத்தால் பாதிகப்பட்டோரின் எண்ணிக்கை நான்காயிரத்தை தாண்டியுள்ளது. 

அம்மாநிலத்தில் தொடர் கனமழை பெய்து வரும் நிலையில், பெரிய அலைகள் காரணமாக Langkawi-யிலிருந்து Kuala Kedah-க்கு செல்லும் திரும்பும், மொத்தம் 10 கப்பல் பயணங்கள் ரத்து செய்யப்பட்டுள்ளன.  

இதனிடையே, Pantai Chenang மற்றும் Pantai Tengah கடற்கரையில், சிவப்பு கொடி எச்சரிக்கை விடுக்கப்படுள்ளது. 

அப்பகுதிகளுக்கு வரும் பொதுமக்கள், குறிப்பாக சுற்றுப்பயணிகள் கவனமுடன் இருக்கும்படி அறிவுறுத்தப்படுகின்றனர். 

--------  

மற்றொரு நிலவரத்தில், அம்மாநிலத்தில் வெள்ளத்தால் வீடுகள் மோசமாக பாதிக்கப்பட்ட ஒவ்வொரு குடும்பத்துக்கும் ஈராயிரம் ரிங்கிட் உதவி நிதியை, மாநில அரசாங்கம் அறிவித்துள்ளது. 

அங்கு 1,178 குடும்பங்களைச் சேர்ந்த 3,966-க்கும் மேற்பட்டோர் 31 வெவ்வேறு தற்காலிக துயர்துடைப்பு மையங்களில் தஞ்சம் புகுந்துள்ளனர். 

பினாங்கில் 568 பேர் பாதிக்கப்பட்டுள்ள நிலையில், பெர்லிசில் 149 பேர் தற்காலிக நிவாரண மையங்களில் அடைக்கலம் நாடியுள்ளனர். 

---------- 

ஆண்டின் முதல் 7 மாதங்களில், மரங்கள் விழுந்த சம்பவம் தொடர்பான 2,500 புகார்களை, தீயணைப்பு மீட்புத் துறை பெற்றுள்ளது.  

அண்மைய நாட்களாக, பலத்த காற்று மற்றும் புயல் காரணமாக, ஆங்காங்கே மரங்கள் வேரோடு சாய்ந்த சம்பவங்கள் நிகழ்ந்துள்ளன. 

----------  

இன்று காலை KL-லில் கைதான, GISB நிறுவனத்தின் நிர்வாக அதிகாரி மற்றும் அவரது மனைவி உட்பட 19 பேர் இன்று முதல் 7 நாட்களுக்கு தடுத்து வைக்கப்படுகின்றனர்.  

அந்நிறுவனத்திற்கு எதிராக நடந்து வரும் விசாரணைக்கு உதவ, அவர்கள் தடுத்து வைக்கப்படுகின்றனர்.  

----------  

மற்றொரு நிலவரத்தில், Negeri Sembilan Kuala Pilah-வில் உள்ள மத பள்ளியொன்றில், ஆண் பிள்ளைகளை பாலியல் வன்கொடுமை செய்ததாக, GISB நிறுவனத்திற்கு தொடர்புடைய மூன்று ஆடவர்கள் மீது குற்றஞ்சாட்டப்பட்டுள்ளது.

--------- 

இதனிடையே, நாட்டில் மரங்கள், குறிப்பாக பழமையான மரங்களை வெட்டாமல், அப்படியே வைத்து பராமரிப்பதற்கான, சில நீண்ட கால நடவடிக்கைகளை அரசாங்கம் பரிசீலிக்கவுள்ளது.