← Back to list

பெண்ணொருவருக்கு எதிராக மிரட்டல்!

Sep 18, 2024

பெண்ணொருவருக்கு எதிராக மிரட்டல் விடுத்ததாக GISB நிறுவனத்தைச் சேர்ந்த ஆடவர் ஒருவர், இன்று நீதிமன்றத்தில் நிறுத்தப்பட்டார்.  

அந்நிறுவனத்திற்கு எதிராக காவல்துறை புகாரை மீட்டுக்கொள்ளுமாறு, அப்பெண்ணை மிரட்டியதாக, அந்த 39 வயது ஆடவர் குற்றம் சாட்டப்பட்டார்.   

எனினும் அவர் தம்மீதான குற்றச்சாட்டை மறுத்து விசாரணை கோரினார்.  

அந்த நிறுவனத்திற்குத் தொடர்புடையதாகக் கூறப்படும், சிலாங்கூர் மற்றும் நெகெரி செம்பிலானில் உள்ள 20-க்கும் மெற்பட்ட பராமரிப்பு இல்லங்களில் அதிரடி சோதனை நடத்தப்பட்டது.

அம்மையங்களில், தவறான நோக்கத்திற்காக பயன்படுத்தப்பட்டு வந்த 400-க்கும் மேற்பட்ட பிள்ளைகள் காப்பாற்றப்பட்டனர்.

--------- 

Negeri Sembilan Port Dickson-னில், மத மையமொன்றில் ஆசிரியராக பயிற்சி பெற்று வந்த இளம்பெண் ஒருவரை, பாலியல் பலாத்காரம் செய்ததாக, ustaz ஒருவர் மீது குற்றஞ்சாட்டப்பட்டுள்ளது. 

43 வயதான அந்நபர், தம்மீதான குற்றச்சாட்டை மறுத்து விசாரணை கோரினார்.

---------- 

நாடு முழுவதும் நேற்று மட்டும் 1,600-க்கும் மேற்பட்ட சாலை விபத்துகள் பதிவு செய்யப்பட்டன. 

அதில் 26 மரணங்கள் பதிவானதாக, அரச மலேசிய காவல்படையின் போக்குவரத்து விசாரணை மற்றும் அமலாக்க துறை தெரிவித்தள்ளது.

--------- 

இதனிடையே, பேராக் தைப்பிங்கில் ஏற்பட்ட புயலினால், மரமொன்று MPV மற்றும் மோட்டார் சைக்கிள் மீது விழுந்ததில், நால்வர் காயமடைந்த நிலையில், அவர்களில் இருவர் பலத்த காயத்திற்குள்ளாகினர்.

--------- 

இளையோர் பார்க்கக்கூடாத உள்ளடக்கங்களை அவர்களின் பார்வையிலிருந்து தடுக்கும் முயற்சியாக, Instagram புதிய privacy setting அம்சம் ஒன்றை அறிமுகப்படுத்தியிருக்கிறது.  

அப்புதிய வசதி இப்போதைக்கு அமெரிக்கா, கனடா, UK மற்றும் ஆஸ்திரேலியாவில் அறிமுகம் கண்டுள்ளது.