← Back to list

கனத்த இதயத்துடன் விஜயலட்சுமி குடும்பம்!

Sep 02, 2024

KL Masjid India நில அமிழ்வில் சிக்கிக் காணாமல் போன விஜயலட்சுமியின் குடும்பம், கனத்த இதயத்துடன் சொந்த நாட்டுக்கு திரும்பியது.

ஒன்பதாவது நாளான கடந்த சனிக்கிழமையன்று அம்மாதுவை தேடும் பணி நிறுத்தப்பட்டதை முழு மனதோடு ஏற்றுக்கொண்ட அவரது குடும்ப உறுப்பினர்கள், இறுதி மரியாதை செலுத்தும் வகையில், சம்பவம் நடந்த இடத்தில் விளக்கேற்றி வைத்து, ஒரு கைப்பிடி மண்ணோடு இன்று நாடு திரும்பினர். 

அதனை Dang Wangi மாவட்ட காவல்துறை தலைவர் உறுதிப்படுத்தியுள்ளார். 

எனவே, அம்மாதுவின் குடும்பத்தாருக்கான நஷ்ட ஈடு குறித்து, அமைச்சரவையில் விவாதித்து முடிவெடுக்கப்படும் என கூட்டரசு பிரதேச அமைச்சர் தெரிவித்தார். 

----------   

ரயிலில் பெண் பயணிகளுக்கான பெட்டிகள் தொடர்பில், விதிமுறைகளைக் கடுமையாக்க KTMB நிறுவனம், தரை பொது போக்குவரத்து ஆணையத்துடன் ஒத்துழைத்து வருகிறது.

தற்போதைக்கு, பெண் பயணிகளுக்கான பெட்டிகளில் அமுலாக்க அதிகாரிகள் அவ்வப்போது, பணியில் ஈடுபட்டு வருவதாக, அது சொன்னது.  

முன்னதாக, நடைபெற்ற ஒரு சம்பவத்தில். இளைஞர்கள் கும்பல், பெண்கள் பெட்டிக்குள் நுழைந்து, அங்கிருந்த ஆஸ்திரேலிய பெண்ணிடம் அடாவடியாக நடந்துகொண்டதை அடுத்து, KTMB அவ்வாறு கூறியது.  

---------- 

இதனிடையே, KLIA-வில் உள்ள Aerotrain, அடுத்தாண்டு ஜனவரி இறுதிக்குள் செயல்படத் தொடங்கும் என எதிர்பார்க்கப்படுவதாக, போக்குவரத்து அமைச்சு தெரிவித்துள்ளது.  

ஆயினும், KLIA-வுக்கு சில பகுதிகளில் இருந்து பயணிகளை அழைத்து வரும் பேருந்துகளின் செயல்பாடு நிலைத்திருக்கும் என அது கூறியது.  

--------  

நாடு விரைவில் குரங்கம்மை நோய் தொற்றுக்கு எதிரான தடுப்பூசியைப் பெறும் !  

அந்நோயால் கடுமையாக பாதிக்கப்படுபவர்கள் மற்றும் பலவீனமான நோய் எதிர்ப்பு சக்தி உள்ளவர்களுக்கு மட்டுமே, அத்தடுப்பூசி போடப்படும் என சுகாதார அமைச்சர் தெரிவித்துள்ளார்.  

--------   

பாலியல் தொந்தரவுத் தடைச் சட்டத்தை மேம்படுத்துவதற்கான அவசியம் குறித்து, மகளிர், குடும்ப, சமூக மேம்பாட்டு அமைச்சு ஆராய்கிறது!  

இது குறிப்பாக வேலையிடங்களில் ஏற்படும் பாலியல் தொந்தரவு சம்பவங்களைத் தடுக்க தேவைப்படுவதாக, அதன் அமைச்சர் Datuk Seri Nanci Shukri தெரிவித்தார்.