← Back to list

நில அமிழ்வு; எட்டாவது நாள்!

Aug 30, 2024

தலைநகர், Jalan Masjid India நில அமிழ்வு சம்பவம் நடந்த இன்றோடு எட்டு நாட்கள் ஆகின்றன! 

அச்சம்பவத்தில் காணாமல் போன இந்திய பிரஜையான 48 வயது மாதுவைத் தேடும் பணிகள் தீவிரமாக நடைபெற்று வருகின்றன. 

இருந்த போதும், புதிதாக எந்த முன்னேற்றமும் காணப்படவில்லை. 

இன்று காலை இரு முக்குளிப்பு வீரர்கள் நிலத்தடியில் முப்பது நிமிடங்களுக்குத் தேடியும், வெருங்கையோடு திரும்பி வந்திருப்பது, பெர்னாமாவின் கண்காணிப்பில் தெரிய வந்துள்ளது. 

கழிவுநீர் குழாயில் உள்ள குப்பைகளும், வலுவான மின்சக்தியும் தேடல் பணிகளுக்குக் கடும் சவாலாக அமைவதாக, தீயணைப்பு மீட்புப் படை முன்னதாகக் கூறியிருந்தது. 

-------- 

சுதந்திர தினத்தை முன்னிட்டு, பிரதமர் Datuk Seri Anwar Ibrahim இன்று சிறப்புரை ஆற்றவிருக்கிறார்! 

அதனை உள்ளூர் ஊடகங்களில் மாலை மணி நான்கு முப்பது தொடங்கி நேரலையாகக் காணலாம். 

----------  

பிள்ளைகளின் நடவடிக்கைகளைக் கண்காணிக்க, கண்காணிப்பு செயலிகளைப் பயன்படுத்துமாறு பெற்றோர்கள் கேட்டுக் கொள்ளப்படுகின்றனர்! 

அது அவர்களின் பாதுகாப்புக்கு உதவியாக் இருக்கும் என்றும், காணாமல் போனால் தேடி கண்டுபிடிக்கும் வேலைகளுக்கு உதவும் என்றும், தேசிய காவல் படை தலைவர் தெரிவித்தார். 

-------- 

திரங்காணு, Kota Putraவில் உள்ள MARA இளநிலை அறிவியல் கல்லூரியில் ஏற்பட்ட தீவிபத்தில், மாணவர் தங்கும் விடுதி அறைகள் நான்கு தீக்கிரையாகின. 

எனினும் உயிருடற்சேதம் ஏதுமின்றி அனைவரும் பாதுகாப்பாக வெளியேற்றப்பட்டனர். 

-------  

தலைநகர் Taman Cahaya Ampangகில் காருக்குள் கொள்ளையடித்த சந்தேகத்தின் பேரில், 12 வயது சிறுவன் உள்ளிட்ட இருவர கைதாகியிருக்கின்றனர்.