← Back to list

சுக்மா போட்டி; புதிய சாதனை!

Aug 20, 2024

சுக்மா போட்டியில், சிலாங்கூர் ஓட்டப்பந்தய வீராங்கனை Nur Afrina Batrisya, இரட்டை Sprint ஓட்டத்தை வென்றுள்ளார்.    

மகளிருக்கான 200 மீட்டர் ஓட்டத்தில், அவர் 23.89 என்ற புதிய சுக்மா சாதனை நேரத்தில் தங்கம் வென்றார். 

முன்னதாக அவர் 100 மீட்டர் ஓட்டத்தில் வெற்றி பெற்றிருந்தார். 

இதனிடையே, ஆடவர் 100 மீட்டர் சாம்பியனான, Danish Iftikhar, 200 மீட்டர் ஓட்டத்தில், பினாங்கை சேர்ந்த Muhammad Sayyid Amin-னால் தோற்கடிக்கப்பட்டு,  வெள்ளிப் பதக்கத்துடன் வெளியேறினார்.

--------   

அப்போட்டியில், பூப்பந்து கலப்புக் குழு ஆட்டத்தில், Selangor, கூட்டரசு பிரதேசத்தை 3-1 என்ற கோல கணக்கில் வீழ்த்தி, தங்கப் பதக்கத்தை வென்றது. 

பினாங்கு, சரவாக்கை வீழ்த்தி வெண்கலப் பதக்கத்தைப் பெற்றது. 

இதனிடையே, அப்போட்டியில் சரவாக் 42 தங்கங்களுடன் பதக்கப் பட்டியலில் முதலிடம் வகிக்கிறது.  

கூட்டரசு பிரதேசம் 30 தங்கங்களுடன் இரண்டாம் இடத்திலும், திரங்காணு 18 தங்கப் பதக்கங்களுடன் மூன்றாம் இடத்திலும் உள்ளன.

---------  

ஜப்பான் பொது பூப்பந்து போட்டியில், ஆடவர் ஒற்றையர் பிரிவின் முதல் சுற்றில், Lee Zii Jia, French ஆட்டக்காரரால் தோற்கடிக்கப்பட்டார். 

இதனிடையே, Goh Sze Fei/Nur Izzuddin, ஜப்பானிய ஆடவர் இரட்டையர் ஆட்டக்காரர்களை வீழ்த்தி இரண்டாவது சுற்றுக்கு முன்னேறியுள்ளனர். 

மகளிர் ஒற்றையர் பிரிவில், Goh Jin Wei தோல்வியடைந்தார்.

-----------  

Joe Gomez, Liverpool-லில் இருப்பதா இல்லையா என்பது குறித்து பரிசீலித்து வருகிறாராம். 

அணியில் அவருக்கான முக்கியத்துவம் குறைந்திருப்பதே அதற்கு காரணம். 

Newcastle உட்பட சில கிளப்புகள் Gomez மீது ஆர்வம் கொண்டுள்ளன. 

Crystal Palace-சின் Marc Guehi-யை ஒப்பந்த செய்ய Newcastle அனுப்பிய நான்கு விண்னப்பகளும் நிராகரிக்கப்பட்டிருப்பதை அடுத்து, Newcastle தலை Gomez பக்கம் திரும்பலாம்.

-----------  

Joao Felix-சை நிரந்தரமாக ஒப்பந்தம் செய்ய Chelsea நெருங்கியுள்ளதாம் ! 

Atlético Madrid, Felix-சுக்கு நிர்ணயித்திருக்கின்ற விலையைச் செலுத்தி, அந்த ஆட்டக்காரரை ஒப்பந்தம் செய்ய Chelsea முன்வந்திருப்பதாகக் கூறப்படுகிறது. 

முன்னதாக Felix, The Blues-சில் இரவலில் விளையாடி வந்தார். 

தற்போது, Chelsea-யின் Conor Gallagher, Atlético Madrid-டுக்கு மாறிச் செல்ல அதிக வாய்ப்பிருப்பதாக தெரிகிறது.