← Back to list

காணாமல் போன சிறார்கள் மீட்பு!

Aug 20, 2024

சிலாங்கூர், Petaling Jayaவில் ஒன்பது மணி நேரமாகக் காணாமல் போயிருந்த இரு சிறுவர்கள் பாதுகாப்பாக மீட்கப்பட்டுள்ளனர்! 

பத்து மற்றும் பதினொரு வயதுடைய அவ்விருவரும் பழுதடைந்த மின் தூக்கியில் சிக்கிக் கொண்ட நிலையில், CCTV கேமரா பதிவு வாயிலாக அவர்கள் இருக்கும் இடம் கண்டறியப்பட்டது. 

மதியம் மணி இரண்டு வாக்கில் காணாமல் போன அவர்கள் குறித்து, அவர்களது குடும்பத்தார் காவல் துறையில் புகார் கொடுத்துள்ளனர். 

-------- 

ஜொகூரில், வயதான தனது பெற்றோரையும் உறவுக்கார சிறுமியையும் கொன்றதாக Muar Majistret நீதிமன்றத்தில் 48 வயது வேலையில்லா ஆடவர் மீது குற்றஞ்சாட்டப்பட்டுள்ளது. 

அம்மூவரையும் கொன்ற அவர் பின்னர் வீட்டையே தீயிட்டுக் கொளுத்தினார், 

--------  

இவ்வாண்டு ஜனவரியிலிருந்து இதுவரை, சட்டவிரோதமாக அந்நிய தொழிலாளர்களை மலேசியா கொண்டு வரும் வேலைகளைத் தீவிரமாகப் பார்த்தது உள்நாடட்டு முதலாளிகளே! 

குடிநுழைவு சட்டம் மற்றும் கடப்பிதழ் சட்டத்தை மீறியதன் தொடர்பில் இவ்வாண்டு இதுவரை தொள்ளாயிரம் முதலாளிகள் உட்பட 29 ஆயிரத்துக்கும் மேற்பட்டோர் கைதாகியிருப்பதாக குடிநுழைவுத் துறை தலைமை இயக்குனர் தெரிவித்தார். 

-------- 

பொதுச் சேவை ஊழியர்களின் சம்பள உயர்வு அறிவிக்கப்பட்டதை அடுத்து, லாபும் ஈட்டும் நடவடிக்கைகளை அரசாங்கம் கண்காணிக்கவிருக்கிறது!  

தினந்தோரும் தனது அதிகாரிகள் களத்தில் இறங்கி, சிறப்புச் சோதனை நடவடிக்கையை மேற்கொள்ளக்கூடும் என, உள்நாட்டு வாணிக வாழ்க்கைச் செலவீன துணை அமைச்சர் தெரிவித்தார்.  

நிலைமையை சாதகமாக்கிக் கொண்டு, வணிகர்கள் லாபம் பார்க்கும் சம்பவங்களைத் தவிர்க்கும் நோக்கில் அவ்வாறு செய்யப்படுவதாக அவர் கூறினார்.  

-------- 

நாட்டில் முதலீட்டு மோசடிகள் பரவலாகி வருகின்றன! 

2022ஆம் ஆண்டைக் காட்டிலும் கடந்தாண்டு, அவ்வகை மோசடிகள் ஆயிரம் விழுக்காட்டுக்கும் மேல் உயர்ந்திருப்பதாக, நிறுவன ஆணையம் தெரிவித்துள்ளது. 

---------  

திரங்காணு, குவாலா நெரூசில் உள்ள தங்கும் விடுதியுடன் கூடிய பள்ளியில் ஏற்பட்ட நச்சுணவு பாதிப்பு சம்பவத்திற்கான காரணத்தை அதிகாரிகள் கண்டுபிடித்துள்ளனர்.

கெட்டுப் போனதாக நம்பப்படும் பொறித்த முட்டையே முப்பது மாணவர்களுக்கு நச்சுணவு பாதிப்பு ஏற்படக் காரணம் என நம்பப்படுவதாக, மாநில சுகாதாரத்துறை கூறியது. 

-------