← Back to list

கோடை காலத்தில் கவனம்!

Jul 30, 2024

தற்போதைய தென்மேற்கு பருவமழை காலத்தில் வெளிநடவடிக்கைகளைக் குறைத்துக் கொள்ளுமாறு பொதுமக்கள் கேட்டுக் கொள்ளப்படுகின்றனர்! 

இந்த கடும் வெப்ப காலத்தில், போதுமான தண்ணீர் அருந்துவதோடு, முன்னெச்சரிக்கை நடவடிக்கைகளையும் கவனத்தில் கொள்ளும்படி, UPMமின் மூத்த விரிவுரையாளர் ஒருவர் பெர்னாமாவிடம் தெரிவித்துள்ளார். 

திறந்த வெளி எறிப்பு நடவடிக்கைகள், சிகரட் துண்டுகளை கண்ட இடத்தில் போடுதல் ஆகியவை, தீச்சம்பவங்களை ஏற்படுத்தி, அதனால் வறட்சியை அதிகப்படுத்தும் என அவர் கூறினார்.

கடந்த மே மாதம் தொடங்கிய இந்த வெப்ப காலம் செப்டம்பர் மாதம் வரை நீடிக்கும் என எதிர்ப்பார்க்கப்படுகிறது. 

--------  

சிலாங்கூர், செப்பாங்கில் பதின்ம வயது சிறுவன் கார் ஓட்டிச் சென்றதாகக் கூறப்படும் சம்பவம் தொடர்பில் அவனது தந்தையிடமிருந்து வாக்குமூலம் பெறப்பட்டுள்ளது! 

அச்சிறுவனுடன் காரில் அவனது இரு தம்பிகளும் இருந்த காட்சிகள் அடங்கிய காணொலி, சமூக ஊடகங்களில் பரவியது. 

--------  

பொதுச் சேவை துறையினருக்கு சம்பள உயர்வு கொடுக்கப்படுவதாக வெளிவந்துள்ள தகவல் பொய்யானது! 

நிதியமைச்சின் பேரில் பரப்பப்படும் அந்த அடிப்படையற்ற தகவலை நம்பி பகிர வேண்டாம் என, பொதுச் சேவை துறை கேட்டுக் கொண்டுள்ளது. 

---------  

ஜொகூர், Iskandar Puteriயில் ஆறு வயது சிறுமி கடத்தப்பட்ட சம்பவத்தின் நோக்கம், விசாரணை முடியும் வரை வெளியிடப்படாது! 

விசாரணை எந்த தடையும் இல்லாமல் சுமூகமாக நடைபெற அது அவசியமாவதாக, மாநில காவல் துறை தலைவர் M குமார் தெரிவித்தார். 

அச்சம்பவம் தொடர்பில் கைதான ஐந்தாவது சந்தேக நபர் வருகின்ற ஞாயிற்றுக்கிழமை வரை தடுத்து வைக்கப்படுகிறார். 

---------  

ஜொகூரில், இணைய மோசடியே மிகப்பெரிய வர்த்தகக் குற்றமாகப் பதிவாகி வருகிறது! 

அம்மாநிலத்தில் இணைய மோசடிச் சம்பவங்களின் எண்ணிக்கை வருத்தமளிக்கும் அளவில் இருப்பதாக, மாநில காவல் துறை தலைவர் தெரிவித்துள்ளார். 

இவ்வாண்டின் முதல் ஆறு மாதங்களில் அச்சம்பவங்களின் எண்ணிக்கை 88 புள்ளி ஒன்பது விழுக்காடாக பதிவானதாக அவர் கூறினார். 

--------  

நாட்டின் வடக்கு எல்லையில் பாதுகாப்பை மேம்படுத்துவதற்காக, கூடுதலாகப் பத்து கோடி ரிங்கிட் ஒதுக்கீட்டை அரசாங்கம்ம் வழங்கியிருக்கிறது.