← Back to list

இருமொழி பாடத்திட்டம்

Feb 14, 2024

மாணவர்கள் இரு மொழி பாடதிட்டத்திற்குத் தகுதி பெற்றிருக்கின்றனரா என்பதை அறிய, பள்ளிகள் மதிப்பீடு எதுவும் செய்ய வேண்டாம்! 

அவ்வாறு தங்களின் வழிகாட்டுதலில் குறிப்பிடப்படவில்லை என்பதை கல்வி அமைச்சு தெளிவுப்படுத்தியிருக்கிறது. 

எழுதப்படாத கூடுதல் நிபந்தனையாக, ஆறு வயது பிள்ளைகள் DLP பாட திட்டத்தில் சேர தேர்வு எழுத வேண்டும் என, வாய்மொழி கட்டளை ஒன்று பிரப்பிக்கப்பட்டிருப்பதாகக் கூறப்படுவது தொடர்பில் அவ்வமைச்சு பேசியது. 

அவ்விவகாரத்திற்கு கல்விக்கான பெற்றோர் நடவடிக்கை குழு PAGE முன்னதாக எதிர்ப்புத் தெரிவித்திருந்தது. 

இதையடுத்து, மாணவர்களுக்கான இரு மொழி பாட திட்டம் தொடர்பான முடிவு, பள்ளிகளுக்கு, மாவட்ட, மாநில கல்வித்துறைகளுக்கும் மட்டுமே சம்பந்தப்பட்டது என அவ்வமைச்சு விளக்கமளித்தது. 

-------  

நாட்டின் வேலையின்மை விகிதம் இவ்வாண்டு மூன்று புள்ளி மூன்று விழுக்காடாக நிலைத்து நிற்கிறது! 

உள்நாட்டு மற்றும் வெளிநாட்டு முதலீட்டாளர்களின் எண்ணிக்கை அதிகரித்திருப்பதால், பல்வேறு துறைகளில் வேலை வாய்ப்பு அதிகரிப்பதைக் காண முடிவதாக அண்மைய ஆய்வொன்று கூறுகிறது. 

சுற்றுலாத் துறையின் மீட்சியும் இதற்கு ஒரு காரணம் என அவ்வாய்வில் குறிப்பிடப்பட்டுள்ளது. 

--------  

சிலாங்கூர், Kapar-ரில் நிகழ்ந்த சிறிய ரக விமான விபத்தில் உயிரிழந்த இருவரைக் காவல் துறை அடையாளம் கண்டுள்ளது! 

உடைந்த விமான பாகங்களுக்கு இடையே, பல சவால்களுக்குப் பிறகு அவர்களது சடலம் மீட்கப்பட்டதாக மாநில காவல் துறை தலைவர் கூறினார். 

அவ்விமானம் ஏறக்குறைய இரண்டு மீட்டர் ஆழத்தில் புதையுண்டதாக அவர் சொன்னார். 

பிரேத பரிசோதனை இன்று காலை மேற்கொள்ளப்படுகிறது. 

--------  

சமயத்தைப் பயன்படுத்தி மோசடி செய்யும் கும்பலிடம் கவனம்!  

தற்போது மோசடிக்காரர்கள் சமயத்தையும், அரசியல் வாதிகளையும், பிரபலங்களையும் காட்டி பணம் பறிக்கும் யுக்தியில் இறங்கியுள்ளனர்.  

கடந்தாண்டு மட்டும் இந்த மோசடி கும்பலிடம் பொதுமக்கள் ஏமாந்த பணத்தின் மதிப்பு ஒரு கோடியே இருபது லட்சம் ரிங்கிட் என Bukit Aman தெரிவித்துள்ளது.  

-------- 

ஆசியாவின் ஐந்து தோழமையான நாடுகளில் மலேசியா இரண்டாம் இடத்தில் உள்ளது! 

உலக நாடுகள் பட்டியலில் மலேசியா பதினைந்தாம் இடத்தில் இருப்பதாக நிதி இணையத்தளம் ஒன்றின் ஆய்வு கூறுகிறது.