← Back to list

தேவையில்லாமல் மாநில எல்லைகளைக் கடக்க வேண்டாம்!

Oct 12, 2021

மாநில எல்லைகள் திறக்கப்பட்டுவிட்டது என்பதற்காகவே எல்லைகளைக் கடந்து பயணிக்க வேண்டாம்!

மூன்றாவது தடுப்பூசி போடும் வரை முடிந்தளவு அவசியம் எற்படாமல் எல்லைகளைக் கடப்பதைத் தவிர்த்துக் கொள்ளுமாறு, மலேசிய மருத்துவச் சங்கத்தின் புதிய தலைவராகத் தேர்ந்தெடுக்கப்பட்டுள்ள Dr முருகராஜ் ராஜதுரை கேட்டுக் கொண்டுள்ளார்.

அப்படி எல்லைகளைக் கடக்க வேண்டியிருந்தால் புறப்படுவதற்கு முன்பு, கோவிட் 19 சுய பரிசோதனை செய்து கொண்டு, தொற்று இல்லை என்பதை உறுதிப்படுத்திக் கொள்ளுமாறு Dr முருகராஜ் வலியுறுத்தினார்.

வெளி மாநிலங்களுக்குப் பயணம் மேற்கொள்பவர்கள் தர செயல்பாட்டு நடைமுறைகளை எப்போதும் நினைவில் கொள்ள வேண்டும் என்றும் அவர் வலியுறுத்தினார்.

முடிந்தளவு அவசியம் ஏற்பட்டால் மட்டும் மாநில எல்லைகளைக் கடக்குமாறு அவர் வலியுறுத்தினார்.

90 விழுக்காட்டுப் பெரியவர்கள் தடுப்பூசி போட்டு முடித்துள்ளதை அடுத்து, நேற்று மாநில எல்லைகள் திறந்துவிடப்பட்டுள்ளன.