← Back to list

ஏக காலத்தில் அறிவிக்கப்படும்!

Oct 08, 2021

மாநில எல்லைகளைக் கடக்கும் அனுமதி நாடு முழுவதும் ஏக காலத்தில் அறிவிக்கப்படும்.

பிரதமர் Datuk Seri Ismail Sabri Yaakob அவ்வாறு கூறியிருக்கிறார்.

பெரும்பாலான மாநிலங்கள் நிர்ணயிக்கப்பட்ட தடுப்பூசி விகித இலக்கை அடைந்து விடும் என எதிர்பார்க்கப்படும் நிலையில், அவர் அவ்வாறு சொன்னார்.

அதன் தொடர்பில் விரைவில் அறிவிக்கப்படும்.

அதுவரை பொறுமையாக இருக்குமாறு பிரதமர் பொதுமக்களைக் கேட்டுக் கொண்டார்.

மற்றொரு நிலவரத்தில், பிரதமர் மலேசியக் குடும்பம் Keluarga Malaysia அணியை அறிமுகப்படுத்தியிருக்கிறார்.

கோவிட்-19னால் பாதிக்கப்பட்டுள்ளவர்களுக்கு உதவ அவ்வணி ஏற்படுத்தப்பட்டுள்ளது.  

அவ்வணியில் இடம் பெற்றுள்ள சுமார் பத்தாயிரம் பேர் முதல் கட்டமாக நாடு முழுவதும் அனுப்பப்படவிருப்பதாக அவர் கூறினார்.

நாடு முழுவதும் இதுவரை 2 கோடியே 10 லட்சத்துக்கும் அதிகமானோர் முழுமையாக தடுப்பூசி போட்டு முடித்துள்ளனர்.

பெரியவர்களில் 89.1 விழுக்காட்டினர் முழுமையாகத் தடுப்பூசி பெறறுள்ளனர்.

ஒட்டு மொத்தமாக இதுவரை 4 கோடியே 52 லட்சத்துக்கும் அதிகமான தடுப்பூசிகள் செலுத்தப்பட்டுள்ளன.

மூன்றாவது தடுப்பூசி செலுத்திக் கொள்ள அனைவருக்கும் வாய்ப்பளிக்கப்படும்.

எனினும் முதல் கட்டமாக முன்களப் பணியாளர்கள், ஆபத்து அதிகமுள்ளவர்கள் ஆகியோருக்கு அத்தடுப்பூசி வழங்கப்படும் என சுகாதார அமைச்சு கூறியது.

தற்போதைக்கு மூன்றாவது தடுப்பூசி கட்டாயமில்லை.

COVID-19க்கான சுயப் பரிசோதனை கருவியின் உச்சவரம்பு விலை மேலும் குறையவிருக்கிறது.

அடுத்த மாத வாக்கில் அதன் புதிய விலை அறிவிக்கப்படும் என தெரிவிக்கப்பட்டுள்ளது.

COVID-19 சுயப் பரிசோதனை கருவியின் உச்சவரம்பு விலை 19 ரிங்கிட் 90 சென் ஆகும்.