← Back to list

மேலும் 73 பேர் மரணம்!

Jun 16, 2021

மலேசியாவுக்கு Covid-19 தடுப்பூசிகளைக் கொடுக்க முன் வந்துள்ள ஜப்பான் மற்றும் சீனாவின் நடவடிக்கையை அரசாங்கம் வரவேற்று நன்றி தெரிவித்துக் கொண்டுள்ளது. 

ஆகக் கடைசியா சீனா ஐந்து லட்சம் Sinovac தடுப்பூசிகளை வழங்க இணக்கம் தெரிவித்துள்ளது. 

மலேசியா, இந்தோனேசியா, பிலிப்பின்ஸ், தாய்லாந்து ஆகிய நாடுகளுக்கு AstraZeneca தடுப்பூசிகளை வழங்கத் தயார் என நேற்று ஜப்பான் அறிவித்திருந்தது.

PIKAS எனும் பொது-தனியார் ஒத்துழைப்பிலான Covid-19 தொழில்துறை தடுப்பூசித் திட்டத்தின் மூலம் தயாரிப்புத் துறைகளைச் சேர்ந்த கிட்டதட்ட 22 லட்சத்து 50 ஆயிரத்துக்கும் அதிகமான தொழிலாளர்களுக்குத் தடுப்பூசி போடப்படவிருக்கிறது. 

அத்திட்டம் கட்டங் கட்டமாக நடைமுறைப்படுத்தப்படும் என அனைத்துலக வாணிக, தொழிலியல் அமைச்சு தெரிவித்தது.

இன்று தொடங்கியுள்ள முதல் கட்டத்தில் ஒன்றரை லட்சம் தடுப்பூசி டோஸ்கள் ஒதுக்கப்பட்டுள்ளன. 

நாட்டில் மேலும் 73 பேர் Covid-19 கிருமித் தொற்றுக்குப்  பலியாகியிருக்கின்றனர். 

அதனை அடுத்து மொத்த மரண எண்ணிக்கை நாலாயிரத்து 142 ஆக உயர்ந்துள்ளது.

புதிதாக ஐயாயிரத்து 150 Covid-19 சம்பவங்கள் பதிவு செய்யப்பட்டுள்ளன.

சிலாங்கூர் மாநில அரசு, வரும் சனிக்கிழமையில் இருந்து இலவச Covid-19 சமூக மருத்துவ பரிசோதனையின் மூன்றாம் கட்டத்தைத் தொடரவிருக்கிறது.

அப்பரிசோதனைத் திட்டம் எட்டு சட்டமன்றத் தொகுதிகளை உட்படுத்தியிருக்கிறது.

இன்று நள்ளிரவு தொடங்கி RON97 பெட்ரோல் விலை 2 சென் அதிகரித்து லிட்டருக்கு 2 ரிங்கிட் 67 சென்னுக்கு விற்கப்படும். 

RON95 லிட்டருக்கு 2 ரிங்கிட் 5 சென்னாகவும் டீசல் லிட்டருக்கு 2 ரிங்கிட் 15 சென்னாகவும் நிலை நிறுத்தப்படுகிறது.