← Back to list

எண்ணாயிரத்துக்கும் அதிகமான சம்பவங்கள்!

Jun 03, 2021

நாட்டில் புதிதாகப் பதிவாகியுள்ள Covid-19 சம்பவங்களின் எண்ணிக்கை மீண்டும் கவலையளிக்கும் வகையில் இருக்கிறது.

புதிதாக எண்ணாயிரத்து 209 சம்பவங்கள் பதிவு செய்யப்பட்டுள்ளன.

சிலாங்கூரில் மிக அதிகமாக மூவாயிரத்து 125 சம்பவங்கள் கண்டறியப்பட்டுள்ளன.

KL, ஜொகூரிலும் கூட அதிகமான சம்பவங்கள் அடையாளம் காணப்பட்டுள்ளன.

மாநில அரசாங்கங்களும் குறிப்பிட்ட தரப்பினரும் Covid-19 தடுப்பூசியைச் சொந்தமாக வாங்க விரும்பினால் அதற்குத் தடையில்லை.

தேசிய தடுப்பூசித் திட்ட ஒருங்கிணைப்பாளர் Khairy Jamaluddin அதனைத் தெரிவித்திருக்கிறார்.

எனினும் அதற்கு தேசிய மருந்தகக் கட்டுப்பாட்டுப் பிரிவின் அங்கீகாரம் இருப்பது அவசியம் என அவர் வலியுறுத்தினார்.  

முழு முடக்கம் அமல்படுத்தப்படாமல் இருந்திருந்தால், நாட்டின் சுகாதார அமைப்பு முறை இவ்வார இறுதி வாக்கில் முழுமையாக முடங்கியிருக்கும்.

நடப்பிலுள்ள கடும் கட்டுப்பாடுகள் இல்லையெனில், தினசரி Covid-19 சம்பவங்களின் எண்ணிக்கை ஐந்து இலக்க எண்ணை எட்டும் வாய்ப்புள்ளதாக சுகாதார அமைச்சு கூறியது.

தேசிய தடுப்பூசித் திட்டத்தின் கீழ் மலேசிய ஆயுதப்படை ஆறு drive-thru தடுப்பூசி மையங்களைத் திறக்கவிருக்கிறது.

நாடு முழுவதும் தேர்ந்தெடுக்கப்பட்ட ராணுவ முகாம்கள் அல்லது அவற்றின் அருகில் உள்ள பகுதிகளில் அம்மையங்கள் அமைக்கப்படுவதாக பாதுகாப்பு விவகாரங்களுக்கான மூத்த அமைச்சர் Datuk Seri Ismail Sabri Yaakob தெரிவித்தார்.

கூடிய விரைவில் Sungai Besi முகாமில் திறக்கப்படவிருக்கும் drive-thru தடுப்பூசி மையம் ஒரு முன்னோடியாக இருக்கும் என அவர் சொன்னார்.  

பினாங்கு Batu Kawanனிலும் Bayan Lepasசிலும் விரைவில் பேரளவிலான தடுப்பூசி போடும் மையங்கள் திறக்கப்படவிருக்கிறது.

அம்மையங்களில் முக்கியமான தொழிற்சாலை ஊழியர்களுக்கு தடுப்பூசி செலுத்தப்படும்.