← Back to list

நாளை மலேசியாவுக்கு வாய்ப்புண்டு- P மணியம்!

Jun 03, 2021

நாளை அதிகாலை நடக்கவுள்ள 2022ஆம் ஆண்டுக்கான உலகக் கிண்ண தகுதிச் சுற்று ஆட்டத்தில் மலேசியா ஐக்கிய அரபு சிற்றரசைச் சந்திக்கின்றது!

அவ்வாட்டம் மலேசியாவுக்குச் சாதமாக முடியும் என தாம் பெரிதும் நம்புவதாக உள்ளூர் கால்பந்து அணி பயிற்றுனர் P மணியம் கூறுகின்றார்.

முந்தைய இரு நட்புமுறை ஆட்டங்களிலும் மலேசியா Bahrain-னுடனும், குவைத்துடனும் தோல்வி கண்டாலும், அவ்வாட்டத்தில் தேசிய வீரர்கள் ஒட்டுமொத்தமாக சிறந்த படைப்பை வெளிப்படுத்தவில்லை என அர்த்தமாகாது என அந்த PJ City FC பயிற்றுனர் சொன்னார்.

கோலடிக்க சில வாய்ப்புகளை அவ்வாட்டங்களில் மலேசியா ஏற்படுத்திக் கொண்டதை அவர் சுட்டிக் காட்டினார்.

எனவே புள்ளிப்பட்டியலில் 72ஆம் இடத்தில் இருக்கும் ஐக்கிய அரபு சிற்றரசைச் சந்திக்கவுள்ள அவ்வாட்டம் மலேசியாவுக்குச் சாதகமாக முடியலாம் என அவர் சொன்னார்.

எந்த வீரர்கள் வரிசையை களமிறக்க வேண்டும், என்னென்ன யுக்திகளைப் பயன்படுத்த வேண்டும் என்பதைப் பற்றியெல்லாம் பயிற்றுனர் Tan Cheng Hoe கரைத்துக் குடித்திருப்பார்;

அவரது யுக்திகளைப் பயன்படுத்தினாலே மலேசியாவுக்கு வெற்றி நிச்சயம் என்றாரவர்.