← Back to list

உணவகங்கள் செயல்படும் நேரம் மாற்றம் ஏற்புடையதல்ல?- MAICCI!

May 28, 2021

மூன்றாவது நடமாட்டக் கட்டுப்பாட்டு ஆணையின் கீழ் வியாபார தளங்கள் செயல்பட அரசாங்கம் விதித்த நேரக் கட்டுப்பாட்டை மலேசிய இந்திய வர்த்தக மற்றும் தொழிலியல் சங்கம் MAICCI வரவேற்றுள்ளது.

நாட்டின் தற்போதைய காலகட்டத்திற்க் கோவிட் 19 பெருந்தொற்றை வேறருக்கு இந்த SOP அவசியமாவதாக அதன் பொதுச் செயலாளர் Datuk Dr AT Kumararajah கூறுகின்றார்.

என்றாலும் இக்கட்டுப்பாடானது உணவகங்களுக்கும் விதிக்கப்பட்டிருப்பது ஏற்புடையதாக அல்ல என அவர் கூறினார்.

''கடந்தாண்டு முதல் கட்ட நடமாட்டக் கட்டுப்பாட்டு ஆணை (MCO) அமுலில் இருந்த பொழுதே உணவகங்கள் செயல்படுவதற்கான நேரம் இரவு பத்து மணி வரை அரசாங்கத்தால் நீட்டிக்கப்பட்டது.

பல்வேறு சங்கங்கள் இணைந்து முன்வைத்த கோரிக்கையின் பேரில் அத்தளர்வினை அரசாங்கம் கொடுத்திருந்த நிலையில், ஏன் மீண்டும் மூன்றாவது MCO சமயத்தில் அத்தளர்வு மீட்கப்பட்டிருக்கின்றது என புரியவில்லை'' என்றாரவர்.

உணவகங்களில் உணவு வாங்க வருவோரின் பலர் வேலை முடிந்து வீட்டிற்குத் திரும்புபவர்கள்.

மாலை நேரத்தில் வேலை முடிந்து திரும்பும்போது இரவு எட்டு மணிக்கெல்லாம் உணவகங்கள் மூடப்படும் போது அவர்களில் பலரால் உணவு வாங்க இயலவில்லை என Datuk குமரராஜா சொன்னார்.

இதே நோக்கத்திற்காகத் தான் கடந்தாண்டு உணவகங்களுக்கான செயல்பாட்டு நேரம் அதிகரிக்கப்பட்டது; தற்போது மீண்டும் அதற்கான நோக்கத்தை மாற்றியமைப்பது ஏற்புடையதாக இல்லை என அவர் கருத்துரைத்தார்.

எனவே உணவக சங்களுடன் சேர்ந்து தாங்களும் உணவகங்கள் மற்றும் உணவுக் கடைகள் செயல்படும் நேரத்தை இரவு பத்து மணி வரை நீட்டிப்பது பற்றி அரசாங்கம் பரிசிலிக்க வேண்டும் என MAICCI கேட்டுக் கொள்வதாக அவர் சொன்னார்.

மூன்றாவது MCO-வின் கீழ் நாட்டின் எல்லா வணிகத் தளங்களும் காலை எட்டு மணி முதல், இரவு எட்டு மணி வரை மட்டுமே செயல்பட அனுமதிக்கப்படுகின்றன.