← Back to list

தடுப்பூசியைத் தேர்ந்தெடுக்கும் புதிய அம்சம் கொண்டு வரப்படுகின்றது!

தேசிய கோவிட் 19 தடுப்பூசி திட்டத்தின் கீழ் பதிந்து கொண்டவர்கள் தங்களுக்கு விருப்பமான தடுப்பூசியைத் தேர்ந்தெடுக்கும் புதிய அம்சம் MySejahtera செயலியில் சேர்க்கப்படும்.

தடுப்பூசி திட்ட ஒருங்கிணைப்பாளர் Khairry Jamaluddin இன்று அதனை அறிவித்தார்.

இதனிடையே குறிப்பிட்ட கோவிட் 19 தடுப்பூசி வகை மட்டுமே முஸ்லீம்களுக்கு போடப்படுவதாகவும், முஸ்லீம் அல்லாதவர்கள் வேறு வகை தடுப்பூசி போட வேண்டும் என்றும் வெளிவந்துள்ள தகவலை அவர் திட்டவட்டமாக மறுத்துள்ளார்.

அப்படியொறு வேறுபாடு இல்லை என Khairry தெளிவுபடுத்தியிருக்கின்றார்.

----- 

கோவிட் 19 தடுப்பூசி போட்டுக் கொள்ள இதுவரை பதிந்து கொண்டவர்களின் எண்ணிக்கை 46 புள்ளி 6 விழுக்காடாக உயர்ந்துள்ளது.

ஒட்டுமொத்தமாக 1 கோடியே 13 லட்சத்துக்கும் அதிகமானோர் தங்களைப் பதிந்து கொண்டுள்ளனர்.

ஆக அதிகமாக சிலாங்கூரில் தான் 30 லட்சம் பேருக்கும் அதிகமானோர் தடுப்பூசி போட பதிந்து கொண்டுள்ளனர்.

----- 

மற்றொரு நிலவரத்தில் கோவிட் 19 தேசிய தடுப்பூசி திட்டத்தின் கீழ், இதுவரை 26 லட்சம் டோஸ் தடுப்பூசிகள் போட்டப்பட்டுள்ளன.

அவற்றுள் 16 லட்சம் முதல் டோசும் ஒன்பது லட்சத்துக்கும் மேற்பட்ட இரண்டாம் டோசும் அடங்கும்.

ஆக அதிகமாக KL-லில் இரண்டரை லட்சத்துக்கும் கூடுதல் டோஸ் போடப்பட்டுள்ளது.

------ 

சரவாக்கில் வரும் சனிக்கிழமை தொடங்கி ஜூன் 11ஆம் தேதி வரை முழு நடமாட்டக் கட்டுப்பாட்டு ஆணை அமுலுக்கு வருகின்றது.

அம்மாநிலத்தில் இன்று பதிவுச் செய்யப்பட்ட கோவிட் 19 சம்பவங்களின் எண்ணிக்கை 700ரைத் தாண்டியிருக்கின்றது. 

---- 

நாட்டின் இன்று ஆக அதிகமாக ஏழாயிரத்து 857 புதிய கோவிட் 19 சம்பவங்கள் பதிவாகியிருக்கின்றன.

சிலாங்கூரில் ஈராயிரத்து 600க்கும் அதிகமான சம்பவங்கள் பதிவுச் செய்யப்பட்டுள்ளன.

------ 

விழாவொன்றின் போது தர செயல்பாட்டை மீறியதற்காக நாட்டின் புகழ் பெற்ற பாடகி Datuk Siti Nurhaliza-வுக்கும் அவரது கணவருக்கும் தலா பத்தாயிரம் ரிங்கிட் அபராதம் விதிக்கப்பட்டுள்ளது.