← Back to list

புதிய தினசரி உச்சம்!

May 20, 2021

நாட்டில் தொடர்ச்சியாக இரண்டாவது நாளாக புதிதாகப் பதிவாகியுள்ள Covid-19 சம்பவங்களின் எண்ணிக்கை ஆறாயிரத்தைத் தாண்டியுள்ளது.

புதிய தினசரி உச்சமாக இன்று நாடு முழுவதும் ஆறாயிரத்து 806 Covid-19 சம்பவங்கள் பதிவு செய்யப்பட்டுள்ளன.

சிலாங்கூரில் மிக அதிகமாக ஈராயிரத்து 277 சம்பவங்கள் அடையாளம் காணப்பட்டுள்ளன. 

ஜொகூர், KL, சரவாக் ஆகியவற்றில் 600க்கும் கூடுதலாக சம்பவங்கள் உறுதிப்படுத்தப்பட்டுள்ளன.

நாடு முழுவதும் கடந்தாண்டைப் போல மீண்டும் முழுமையான நடமாட்டக் கட்டுப்பாட்டு ஆணை MCO அல்லது முழு முடக்கம் அறிவிக்கப்படுமா என்பது நாளை முடிவு செய்யப்படும். 

பிரதமர் துறை அமைச்சர் Datuk Seri Takiyuddin Hassan அவ்வாறு தெரிவித்திருக்கிறார். 

பிரதமர், தேசிய பாதுகாப்பு மன்றப் பிரதிநிதிகள், Menteri besarகள், முதலமைச்சர்கள் ஆகியோர் கலந்து கொள்ளும் கூட்டத்தில் அப்பரிந்துரை குறித்து விவாதிக்கப்படும் என அவர் சொன்னார்.

பேராவில் நான்கு துணை மாவட்டங்களில் நடமாட்டக் கட்டுப்பாட்டு ஆணை கடுமையாக்கப்படுகிறது.

Hulu Perakக்கில் உள்ள Pengkalan Hulu, Larut, Matang, Selamaவில் உள்ள Taiping, Kintaவில் உள்ள Hulu Kinta, Muallimமில் உள்ள Hulu Bernam Timur ஆகியவையே அவையாகும்.

நாளை மறுநாள் 22 ஆம் தேதியில் இருந்து ஜூன் 4 ஆம் தேதி வரை அங்கு EMCO அமல்படுத்தப்படுகிறது.    

Covid-19 பரவலை மேலும் தடுக்க இரு சுவாசக் கவசங்களை அணிய பொதுமக்கள் ஊக்குவிக்கப்படுகின்றனர்.

அமெரிக்காவில் நடத்தப்பட்ட ஆய்வின் அடிப்படையில் அவ்வாறு செய்ய பரிந்துரைக்கப்படுவதாக சுகாதாரத் தலைமை இயக்குனர் Tan Sri Dr Noor Hisham Abdullah தெரிவித்தார்.

அவர் இரு சுவாசக் கவசங்களை அணிந்திருந்த படங்கள் முன்னதாக சமூக வலைத்தளங்களில் பரவியிருந்தது குறிப்பிடத்தக்கது.

நாடு முழுவதும் இதுவரை 20 லட்சத்துக்கும் மேற்பட்ட Covid-19 தடுப்பூசி டோஸ்கள் போடப்பட்டுள்ளன. 

கிட்டதட்ட 8 லட்சம் பேர் முழுமையாக இரு டோஸ்களையும் போட்டுக் கொண்டுள்ளனர்.