← Back to list

அனைவருக்கும் இலவச தடுப்பூசி!

May 18, 2021

Covid-19 தேசியத் தடுப்பூசித் திட்டத்தின் கீழ் அனைத்து மாநிலங்களிலும் தகுதியான அனைவருக்கும் இலவச தடுப்பூசி போடப்படும். 

போதுமான கையிருப்பு இருப்பதும் உறுதிச் செய்யப்படும் என தடுப்பூசி பெறுவதற்கான உத்தரவாத சிறப்பு செயற்குழு மீண்டும் தெரிவித்துள்ளது. 

அதோடு தேசிய மருந்தக கட்டுப்பாட்டுப் பிரிவின் அங்கீகாரம் பெற்ற தடுப்பூசிகளை வாங்க மாநில அரசுகளுக்கும் அனுமதி வழங்கப்பட்டுள்ளதாக அது கூறியது. 

இவ்வேளையில் அரசாங்கத்திற்கு தடுப்பூசி கையிருப்பை வழங்க முன் வரும் தரப்புகளும் வரவேற்கப்படுவதாக அச்செயற்குழு குறிப்பிட்டது.  

நாடு முழுவதும் இதுவரை 19 லட்சத்து 95 ஆயிரத்துக்கும் அதிகமான தடுப்பூசி டோஸ்கள் போடப்பட்டுள்ளன.

7 லட்சத்து 61 ஆயிரத்துக்கும் மேற்பட்டவர்களுக்கு முழுமையாக இரு டோஸ்களும் செலுத்தப்பட்டுள்ளன.

சிலாங்கூரில் மிக அதிகமாக 1 லட்சத்து 63 ஆயிரத்துக்கும் அதிகமான தடுப்பூசி டோஸ்கள் போடப்பட்டுள்ளன.

KL, பேரா, ஜொகூரிலும் கூட அதிகமானோர் தடுப்பூசி போட்டுக் கொண்டுள்ளனர்.

உருமாறிய Covid-19 கிருமித் தொற்றால் பாதிக்கப்படாமல் இருக்க, நடமாட்டக் கட்டுப்பாட்டு ஆணையைத் தொடர்ந்து பின்பற்றுவதோடு சுய கட்டொழுங்கைப் பேணுமாறு சுகாதாரத் தலைமை இயக்குனர் பொதுமக்களைக் கேட்டுக் கொண்டிருக்கிறார்.

உருமாறிய பல புதிய Covid-19 கிருமித் தொற்றுப் பரவல்கள் கவலையளிக்கும் வகையில் உள்ளன.

அதற்கு ஆளான நோயாளிகளிடம் அறிகுறிகள் ஏதும் தென்படுவதில்லை.

அதோடு மருத்துவ பரிசோதனை முடிவுகளும் சில சமயங்களில் அக்கிருமித் தொற்று இல்லை எனக் காட்டுவதாக Noor Hisham சுட்டிக் காட்டினார்.

நாட்டில் புதிதாக நாலாயிரத்து 865 பேருக்கு Covid-19 கிருமித் தொற்று உறுதிப்படுத்தப்பட்டுள்ளது. 

சிலாங்கூர் மாநிலத்தில் தொடர்ந்து மிக அதிகமாக ஆயிரத்து 743 சம்பவங்கள் பதிவாகியுள்ளன.

ஜொகூர், Iskandar Puteriயில் நடமாட்டக் கட்டுப்பாட்டு ஆணைக்கான SOPயைப் பின்பற்றாமல் திருமண நிகழ்வை நடத்திய குடும்பமொன்றுக்கு நாலாயிரம் ரிங்கிட் அபராதம் விதிக்கப்பட்டது.