← Back to list

பிரதமருக்கான இளையோர் ஆலோசனைக் குழு!

May 15, 2021

பிரதமரிடம் தங்களது கருத்துகளை முன் வைக்கக்கூடிய இளையோர் ஆலோசனைக் குழு ஏற்படுத்தப்படவிருக்கிறது.

அதன் வழி அரசாங்கக் கொள்கைத் திட்டமிடலில் இளையோரின் பங்களிப்பையும் உறுதிச் செய்ய முடியும் என பிரதமர் கூறியிருக்கிறார்.

அக்குழுவில் இடம் பெறத் தகுதியான இளையோரைத் தேர்வு செய்யும் பணிகள் தற்போது மேற்கொள்ளப்பட்டு வருகின்றன.

இவ்வேளையில் நிலையான மனித மூலதன மேம்பாடு மற்றும்  புத்தாக்கச் சிந்தனையுடையை இளையோரை உருவாக்க அரசாங்கம்  அவர்களுக்குத் தொடர்ந்து உதவி வரும் என Tan Sri Muhyiddin Yassin சொன்னார்.

இன்று அனுசரிக்கப்படும் தேசிய இளையோர் தினத்தையொட்டி பிரதமர் அவ்வாறு தெரிவித்தார்.

பல தரப்பினரும் குறிப்பாக பொருளாதாரத் துறையைச் சேர்ந்தவர்கள் Covid-19 பரவலைக் கட்டுப்படுத்தும் நோக்கிலான  நாடளாவிய நிலையிலான மூன்றாம் கட்ட நடமாட்டக் கட்டுப்பாட்டு ஆணை MCO அமலாக்கத்தை வரவேற்றுள்ளனர்.

MCO அமல்படுத்தப்படும் அதே வேளை, பொருளாதாரமும் பாதிக்கப்படாமல் இருப்பதை அரசாங்கம் உறுதிச் செய்து வருவதாக அவர்கள் கூறியுள்ளனர்.

முதல் கட்ட MCO போல் அமல்படுத்தப்பட்டிருந்தால், பொருளாதாரத்துறையைச் சேர்ந்த பலர் இரண்டு மடங்கு பாதிப்பை எதிர்நோக்கியிருப்பர் என மலேசிய தொழிற்சங்க காங்கிரஸ் MTUC தெரிவித்துள்ளது.

இவ்வேளையில், நிறுவனங்கள் செயல்பட அனுமதிக்கப்படவில்லை என்றால், பலர் வேலைகளை இழந்து மோசமான நிலை ஏற்படலாம் என மலேசிய முதலாளிமார்கள் சம்மேளனம் MEF கருத்துரைத்தது.

KL உலக வாணிக மையத்தில் உள்ள Covid-19 தடுப்பூசி போடும் மையத்தில் இன்று தொடங்கி ஒரு நாளுக்கு எண்ணாயிரத்து 100 AstraZeneca தடுப்பூசி டோஸ்கள் போடப்படவுள்ளன.

அதனை அடுத்து நாட்டிலேயே மிகப் பெரிய அளவில் தடுப்பூசி போடப்படும் மையமாக அது திகழ்கிறது.

அதே வேளை, UM மற்றும் UKMமிலும் 900 தடுப்பூசி டோஸ்களுக்குப் பதிலாக நாளொன்றுக்கு ஆயிரத்து 300 டோஸ்கள் செலுத்தப்படுகின்றன.

சிலாங்கூர், Kajangங்கில் SOPயைப் பின்பற்றாமல் விருந்துபசரிப்பு நடத்தியதாக நம்பப்படும் மியன்மார் ஆடவர் ஒருவர் கைது செய்யப்பட்டுள்ளார்.