← Back to list

AstraZeneca தடுப்பூசிக்கு இன்று தொடங்கி பதியலாம்!

May 02, 2021

AstraZeneca வகை தடுப்பூசி போட்டுக் கொள்ள விரும்புவோர் இன்று தொடங்கி அதற்குப் பதிந்து கொள்ளலாம்.

பொது மக்கள் vaksincovid.gov.my என்ற அகப்பக்கத்தில் அதற்குப் பதிந்து கொள்ளலாம் என Covid-19 தேசிய தடுப்பூசி திட்ட ஒருங்கிணைப்பாளரான Khairry Jamaluddin தெரிவித்தார்.

விண்ணப்பதாரர்கள் முன்கூட்டியே Mysejahtera செயலி வழி Covid-19 தடுப்பூசி போட பதிந்து கொண்டிருக்க வேண்டும்.

அகப்பக்கத்தில் அவர்கள் தடுப்பூசி போட்டுக் கொள்ளா விரும்பும் தேதி மற்றும் தடுப்பூசி மையத்தை தேர்ந்தெடுக்க வேண்டும் என்றாரவர்.

---- 

பினாங்கு, Tasek Gelugorரில் Aidilfitri சந்தையில் பொது மக்கள் தர செயல்பாட்டு நடைமுறையைப் பின்பற்றுவதில்லை என தெரிய வந்திருப்பதை அடுத்து, சம்பந்தப்பட்ட சந்தையின் ஏற்பாட்டாளருக்கு 20 ஆயிரம் ரிங்கிட் அபராதம் விதிக்கப்பட்டுள்ளது.

கூட்டம் அதிகமாக இருந்த அச்சந்தையில், கூடல் இடைவெளி இல்லை; பல முறை எச்சரிக்கை விடுத்தும் அத்தவறு மீண்டும் நடநது வந்ததால், அவ்வபராதம் விதிக்கப்பட்டிருப்பதாக NST தகவல் கூறுகின்றது.

----- 

மற்றொரு நிலவரத்தில் கிள்ளான் பள்ளத்தாக்கிலுள்ள ரமலான் சந்தைகளில் SOPக்கள் சரிவர பின்பற்றப்படுகின்றனவா என்பதை கண்காணிக்க ஏதுவாக காவல் துறை Drone சாதனங்களைப் பயன்படுத்தவிருக்கின்றது.

வியாபாரத் தளங்களில் கூடல் இடைவெளி பின்பற்றப்படுகின்றதா, இதர பாதுகாப்பு முன்னெச்சரிக்கை நடவடிக்கைகள் மேற்கொள்ளப்படுகின்றனவா உள்ளிட்டவடை அதன் வழி கண்காணிக்கப்படும் என காவல் துறை தெரிவித்தது.

----

நோன்பு பெருநாளை முன்னிட்டு இன்னும் 20 பொருட்கள் விலை கட்டுப்படுத்தப்பட்ட பொருட்களின் பட்டியலில் சேர்க்கப்பட்டுள்ளன.

இதையடுத்து உள்நாட்டு வாணிக பயனீட்டாளர் விவகார அமைச்சு அறிவித்துள்ள விலை கட்டுப்படுத்தப்பட்ட பொருட்களின் எண்ணிக்கை 32 ஆகியுள்ளது.

காய்கறிகள் மற்றும் உலர் உணவுகள் அந்த 20 பொருட்களில் அடங்கும்.