← Back to list

தனிமைப்படுத்தல் நீட்டிப்பு!

Apr 25, 2021

வெளிநாடுகள் குறிப்பாக பிரிட்டன், Brazil, தென்னாப்பிரிக்கா, ஜப்பான் ஆகிய நாடுகளில் இருந்து மலேசிய வருவோர் இரு வாரங்களுக்குத் தங்களைத் தனிமைப்படுத்திக் கொள்ள வேண்டும். 

அந்நாடுகளில் உருமாறிய தென் ஆப்பிரிக்க Covid-19 தொற்று பரவியுள்ளதை அடுத்து ஏற்கனவே நடைமுறையில் இருந்த 10 நாட்கள் தனிமைப்படுத்தல் உத்தரவு 14 நாட்களுக்கு நீட்டிக்கப்பட்டுள்ளது. 

அதோடு கடுமையான தர செயல்பாட்டு நடைமுறைகளும் அமல்படுத்தப்படும் என அரசாங்கம் தெரிவித்துள்ளது. 

நாட்டில் உருமாறிய தென் ஆப்பிரிக்க Covid-19 தொற்றை உட்படுத்திய 21 சம்பவங்கள் பதிவாகியுள்ளது குறிப்பிடத்தக்கது.   

இரண்டாம் கட்ட தேசிய தடுப்பூசித் திட்டத்தின் கீழ் இதுவரை ஒன்பதாயிரத்து 916 முதியவர்களுக்கு முதலாவது டோஸ் போடப்பட்டுள்ளது. 

தடுப்பூசி பெற்ற அனைவரும் இதுவரை நலமாக இருப்பதாக மகளிர், குடும்ப, சமூக மேம்பாட்டு அமைச்சு தெரிவித்தது.

இதனிடையே தடுப்பூசி போட்டு கொள்ள விரைந்து பதிந்து கொள்ளுமாறு அமைச்சு மூத்த குடிமக்களைக் கேட்டுக் கொண்டிருக்கிறது.

AstraZeneca தடுப்பூசியின் முதல் கட்ட கையிருப்பாக 2 லட்சத்து 68 ஆயிரம் டோஸ்கள் மலேசியா வந்தடைந்துள்ளதாக சுகாதார அமைச்சு தெரிவித்திருக்கிறது. 

அவை மொத்த மக்கள் தொகையில் மூன்று விழுக்காட்டினருக்குப் போதுமானதாக இருக்கும்.  

நேற்று நாடு முழுவதும் புதிதாக பத்து Covid-19 clusterகள் கண்டறியப்பட்டன.

அவற்றில் ஏழு வேலையிடங்களை உட்படுத்தியவை.

நிபந்தனைக்குட்பட்ட நடமாட்டக் கட்டுப்பாட்டு ஆணையின் 15 போலி பயண அனுமதிக் கடிதத்தை வைத்திருந்ததாக நம்பப்படும் ஆடவர் KL-Seremban நெடுஞ்சாலையில் கைது செய்யப்பட்டுள்ளார்.

    அந்நபர் நான்கு நாட்களுக்குத் தடுத்து வைக்கப்பட்டுள்ளார்.