← Back to list

13 cluster-களுக்கு கீழ் பதிவான 270 COVID-19 சம்பவங்கள்!

Apr 23, 2021

நாட்டில் தினசரி பதிவாகும் COVID-19 சம்பவங்களின் எண்ணிக்கை மூவாயிரத்தை நெருங்கியுள்ளது.

ஆகக் கடைசியாக ஈராயிரத்து 875 கொரோனா சம்பவங்கள் பதிவாகின.

அதில் ஏறக்குறைய 73 விழுக்காட்டு சம்பவங்கள், Kelantan, சிலாங்கூர்,  சரவாக் மற்றும் KLலில் பதிவானவை என சுகாதார அமைச்சு தெரிவித்தது.

ஆக அதிகமாக 662 சம்பவங்கள் Kelantanனில் பதிவான வேளை, 633 சம்பவங்கள் சிலாங்கூரில் பதிவாகியுள்ளன.

இவ்வேளையில், 270 கொரோனா சம்பவங்களை உட்படுத்தி, நாட்டில் புதிதாக 13 COVID-19 clusterகள் அடையாளம் காணப்பட்டுள்ளன.

அதில், ஐந்து clusterகள் வேலையிடம் தொடர்பானவை;

4 clusterகள் சமூகப் பரவலை உட்படுத்தியுள்ள வேளை, மூன்று clusterகள் பள்ளிகளில் அடையாளம் காணப்பட்டுள்ளன.

அவை சிலாங்கூர், Kelantan, கெடா ஆகிய மாநிலங்களை உட்படுத்தியுள்ளன.

மேலும் ஒரு cluster சமய நிகழ்ச்சி ஒன்றின் போது உருவானது என தெரிய வந்துள்ளது.

ஜொகூரில் மேலும் மூன்று பள்ளிகல் மூடப்பட்டன!

ஜொகூரில், COVID-19 தொற்றுக் காரணமாக மேலும் மூன்று பள்ளிகள் தற்காலிகமாக மூட உத்தரவிடப்பட்டுள்ளன.

அப்பள்ளிகளில், பணியாளர்கள் மற்றும் மாணவர்களை உட்படுத்தி கொரோனா சம்பவங்கள் பதிவாகியுள்ளன.

இதையடுத்து, அம்மாநிலத்தில் இதுவரை மூடப்பட்டுள்ள பள்ளிகளின் எண்ணிக்கை 30ஆக அதிகரித்துள்ளது.

இதனிடையே, ஜொகூர் மற்றும் Kelantanனில் இரு பள்ளிகளில் இன்று தொடங்கி இரு வாரங்களுக்கு, கடுமையாக்கப்பட்ட நடமாட்டக் கட்டுப்பாட்டு ஆணை EMCO விதிக்கப்பட்டுள்ளது.

அங்கு கொரோனா சம்பவங்கள் அதிகரித்துள்ளதே அதற்கு காரணம்.

மற்றொரு நிலவரத்தில், பாவில் ஐந்து பள்ளிகளில் மட்டுமே COVID-19 சம்பவங்கள் பதிவாகியுள்ளன.

Kota Kinabalu மற்றும் Penampangகில் கணிசமான எண்ணிக்கையிலான பள்ளிகளில் கொரோனாப் பரவல் ஏற்பட்டிருப்பதாக கூறி சமூக வலைத்தளங்களில் பரவியுள்ள தகவலை மாநில அரசாங்கம் மறுத்துள்ளது.

இந்தியாவில் கட்டுங்கடங்காத கொரோனா!

2ஆம் கட்ட COVID-19 தொற்றை கட்டுப்படுத்த போராடி வரும் இந்தியாவில், நேற்று ஒரே நாளில், 3 லட்சத்து 14 ஆயிரத்திற்கும் அதிகமான கொரோனா சம்பவங்கள் உறுதிப்படுத்தப்பட்டுள்ளன.

இதனால், தலைநகர் புது டெல்லி உட்பட பல பகுதிகளில், மருத்துவமனைகளில் COVID-19 நோயாளிகளுக்கான இட மற்றும் Oxygen வசதிக்கான பற்றாக்குறை ஏற்பட்டிருப்பதாக மருத்துவ அதிகாரிகள் தெரிவித்துள்ளனர்.