← Back to list

மூன்றாவது நாளாக தொடர்ந்து ஈராயிரம் சம்பவங்கள்!

Apr 18, 2021

தொடர்ந்து மூன்றாவது நாளாக நேற்று ஏராயிரத்துக்கும் அதிகமான Covid-19 சம்பவங்கள் பதிவாகியிருக்கின்றன!

நேற்று ஈராயிரத்து 331 புதிய Covid-19 சம்பவங்கள் பதிவாகியுள்ளன.

ஆயிரத்து 800க்கும் அதிகமானோர் அத்தொற்றிலிருந்து பூரண நலமடைந்துள்ள வேளை, ஐந்து புதிய மரணங்கள் பதிவாகியிருக்கின்றன.

-----

கிளாந்தானில் நடமாட்டக் கட்டுப்பாட்டு ஆணை அமுலில் உள்ள ஏழு மாவட்டங்களைச் சேர்ந்த எல்லா பள்ளிகளும் தற்காலிகமாக மூடப்பட்டுள்ளன!

பள்ளிகளில் Covid-19 தொற்று பரவல் இருப்பதைச் சுட்டிக் காட்டி, அம்முடிவு எடுக்கப்பட்டதாக மாநில கல்வித் துறை தெரிவித்தது.

மூடப்பட்ட அனைத்து பள்ளிகளிலும் கற்றல் கற்பித்தல் வீட்டிலிருந்த படியே மேற்கொள்ளப்படும் என தெரிவிக்கப்பட்டுள்ளது.

----- 

நாட்டில் கடந்த வெள்ளிக்கிழமை வரை 11 லட்சத்து 25 ஆயிரத்துக்கும் அதிகமான டோஸ் Covid-19 தடுப்பூசிகள் செலுத்தப்பட்டுள்ளன!

ஆக அதிகமாக சிலாங்கூர் மாநிலத்தில் 97 ஆயிரத்துக்கும் கூடுதல் டோஸ் தடுப்பூசி போடப்பட்டுள்ளது.

இதனிடையே நாட்டில் இதுவரை தடுப்பூசி போட்டுக் கொள்ள பதிந்து கொண்டவர்களின் எண்ணிக்கை 36.40 விழுக்காடாக அதாவது 89 லட்சத்தையும் தாண்டியுள்ளது.

----- 

சிலாங்கூர் PJ-வில் தனது முன்னாள் பாதுகாவலர்களை இழிவுப்படுத்திய முதலாளி, தனது அந்நடவடிக்கைக்காக பொது மன்னிப்புக் கேட்டுக் கொண்டுள்ளார்.

முன்னதாக, நோன்பு இருந்ததற்காகத் தனது அந்த இரு முன்னாள் ஊழியர்களையும் சம்பந்தப்பட்ட முதலாளி, அடித்துக் காயப்படுத்தியதோடு, அவர்களை இழிவுப்படுத்தியதற்காகக் கைதாகினார்.