← Back to list

புத்தாண்டை முன்னிட்டு Brickfieldsசில் மக்கள் கூட்டம்!

Apr 13, 2021

நாளை கொண்டாடப்படும் தமிழ்ப்புத்தாண்டை முன்னிட்டு KL, Brickfields Little India- வில் இன்று காலை தொடங்கி இந்துக்கள் கூட்டம் அலை மோதுகின்றது!

என்றாலும் கடுமையான SOP-களுடன் பொது மக்கள் பூ, பழங்கள், பலகாரங்கள் ஆகியவற்றை வாங்கி வருகின்றனர்.

பூக்களுக்கான தேவை அதிகரித்தாலும், அவற்றின் விலை உயர்த்தப்படாமல், நியாயமான விலையிலேயே பூக்கள் விற்கப்பட்டு வருவதாக Bernama தகவல் கூறுகின்றது.

இதனிடையே வருகின்ற தமிழ்ப்புத்தாண்டை மக்கள் மகிழ்ச்சியாக தங்கள் வீட்டிலேயே கொண்டாடும்படி கேட்டுக் கொண்ட மலேசிய இந்துச் சங்கம், SOPக்கள் நினைவில் இருக்கட்டும் என வலியுறுத்தியது.

-----

தனது மாணவர்கள் அறுவருக்கு Covid-19 தொற்று உறுதிப்படுத்தப்பட்டுள்ளதைத் தொடர்ந்து, சிலாங்கூர் PJவிலுள்ள சீன வகை ஆரம்பப்பள்ளியொன்று தற்காலிகமாக மூடப்பட்டுள்ளது!

பின் அறிவிக்கப்படும் தேதி வரை அப்பள்ளி மாணவர்கள் வீட்டிலிருந்தே கல்வி கற்பர் என மாவட்ட கல்வித் துறை தெரிவித்தது.

முன்னதாக அப்பள்ளியைச் சேர்ந்த சுமார் ஐந்து வகுப்புகள் மூடப்பட்டிருந்தன.

-----

Covid-19 தொற்று பீடிக்கக் கூடிய அபாயத்தில் உள்ள இடங்களில் பணி புரியும் ஊடக பணியாளர்களுக்கு இரண்டாம் கட்ட தேசிய Covid-19 தடுப்பூசி திட்டத்தின் கீழ் தடுப்புசி போடப்படும்!

சுகாதார அமைச்சர் Datuk Seri Dr Adham Baba அதனை அறிவித்தார்.

அவர்களும் முன்வரிசை பணியாளார்கள் தான் என தெரிவித்த தடுப்பூசிக்கான உத்தரவாத சிறப்பு செயற்குழு, அவர்களுக்கும் இரண்டாம் கட்ட தடுப்பூசி திட்டத்தில் தடுப்பூசி வழங்க உத்தேசித்துள்ளது.

-----

நேற்று நாட்டில் ஆயிரத்து 767 புதிய Covid-19 சம்பவங்கள் பதிவாகியுள்ளன!

சரவாக்கில் தான் ஆக அதிகமாக 607 சம்பவங்கள் பதிவாகின.

483 சம்பவங்களுடன் சிலாங்கூர் அடுத்த இடத்தில் உள்ளது.